શહેરના વિશ્વામિત્રી નદી કાંઠે આવેલી સયાજી હોટેલ દ્વારા નદીને દૂષિત કરતા સ્થાનિક કોર્પોરેટર ભડક્યા
હોટેલનું ડ્રેનેજ કનેક્શન કાપી સીલ કરો:- જાગૃતિ કાકા
સયાજીગંજ વિશ્વામિત્રી નદી નજીક આવેલ સયાજી હોટેલ દ્વારા વિશ્વામિત્રી નદીમાં દૂષિત પાણી છોડાતા સ્થાનિક કોર્પોરેટરે મ્યુનિસિપલ કોર્પોરેશનના કમિશનર દિલીપ રાણાને કરી ફરિયાદ તપાસ કરી યોગ્ય પગલા લ ઈ હોટલને સીલ મારવા રજૂઆત કરી છે.
વડોદરા ભાજપના કોર્પોરેટરે મ્યુનિસિપલ કમિશનરને પત્ર લખી સયાજી હોટેલના સંચાલકો દ્વારા વિશ્વામિત્રી નદીમાં દૂષિત પાણી છોડાતું હોવાના આક્ષેપો કર્યા છે. આ મામલે તાત્કાલિક ધોરણે દ્રેનેજ કનેક્શન કાપી સીલ મારવાની કાર્યવાહી કરવાની માંગ કોર્પોરેટર જાગૃતીબેન કાકાએ કરી છે.
શહેરની મધ્યમાંથી પસાર થતી વિશ્વામિત્રી નદીના તટે આવેલી સયાજી હોટલ દ્વારા વિશ્વામિત્રી નદીમાં દૂષિત પાણી છોડાતું હોવાની સ્થાનિક કોર્પોરેટર જાગૃતીબેન કાકાને જાણ તથા તેમણે હોટલ સંચાલકો પર દંડનીય કાર્યવાહી કરવા ની માંગ કરી છે. આ બાબતે તેમની પાસે વિડીયો પુરાવો હોવાની પણ વાત તેઓ કરી રહ્યા છે. આ મામલામાં જાગૃતીબેન કાકાએ મ્યુનિસિપલ કમિશનર દિલીપ રાણાને પત્ર લખી હોટેલના સંચાલકો દ્વારા વિશ્વામિત્રી નદીમાં દૂષિત પાણી છોડાતું હોવાથી તાત્કાલિક ધોરણે હોટેલનું ડ્રેનેજ કનેક્શન કાપી, સીલ મારવાની કામગીરી કરવાની માંગ કરી છે. ઇલેક્શન વોર્ડ નંબર 13ના એન્જિનિયરોને લઈને તેઓ સ્થળ પર પહોંચ્યા હતા અને પ્રતિક્રિયા આપતા કહ્યું હતું કે હોટલ વોર્ડ 13માં આવે કે 12માં આવે તે મહત્વનું નથી. નદીમાં દૂષિત પાણી છોડાઈ રહ્યું છે તો તેઓને છોડવામાં નહીં આવે અને કડક કાર્યવાહી થશે. મ્યુનિસિપલ કમિશનર પર વિશ્વાસ હોવાનું જણાવી તેમણે ઉમેર્યું હતું કે આ બાબતે સંકલન બેઠકમાં ભાજપ વડોદરા મહાનગર અધ્યક્ષ, સંસદ અને ધારાસભ્યોનું પણ ધ્યાન દોરશે અને સ્થાયીની બેઠકમાં પણ રજૂઆત કરશે.
