પ્રતિનિધિ વડોદરા તા. 20
વડોદરા શહેરનાં જુના અને જાણીતા મંગળ બજારમાં ઈલેક્ટ્રીક કેબલમાં ધડાકા થયાની ઘટના સામે આવી હતી. પ્રતાપ મડઘાની પોળ પાસે થી પસાર થતા ઇલેક્ટ્રીક ટેબલમાં ધડાકા થતા જ ખરીદી કરવા આવેલા નાગરિકોમાં ભયનો માહોલ જોવા મળ્યો હતો. હાઈ વોલ્ટેજને કારણે કેબલમાં આગ લાગી હોવાની પ્રાથમિક માહિતી સામે આવી હતી. આ ઘટના ને કારણે સમગ્ર મંગળ બજારમાં વીજ પુરવઠો ખોરવાઇ ગયો હતો. સ્થાનિક વેપારીઓની સતર્કતાને કારણે કોઈ મોટી દુર્ઘટના બની ન હતી. વીજ કેબલમાં થયેલ ધડાકા ના કારણે તેની ગુણવત્તા પર સવાલો ઉભા થયા હતા. સદનસીબે કોઈ જાનહાની થઈ ન હતી. ઘટનાની જાણ થતા ફાયર વિભાગની ટીમ તાત્કાલિક સ્થળ પર દોડી આવી હતી.
