ગાંધીનગર: ગુજરાતના (Gujarat) બે દિવસીય પ્રવાસે આવી પહોંચેલા ઓસ્ટ્રેલિયાના વડાપ્રધાન (PM) એન્થની અલ્બેનીઝનું અમદાવાદ (Ahmedabad) વિમાની મથકે મુખ્યમંત્રી (CM) ભૂપેન્દ્ર પટેલે ઉષ્માસભર સ્વાગત કર્યું હતું. સીએમ ભૂપેન્દ્ર પટેલની સાથે રાજયપાલ આચાર્ય દેવવ્રત, ચીફ સેક્રેટરી રાજકુમાર, ગુજરાતના પોલીસ વડા વિકાસ સહાય, અમદાવાદના પોલીસ કમિશ્નર સંજય શ્રીવાસ્તવ ઉપસ્થિત રહ્યા હતા. સાથે સાથે રાજ્યના પ્રોટોકોલ મંત્રી જગદીશ વિશ્વકર્મા, મેયર કિરીટભાઈ પરમાર, કલેકટર ધવલ પટેલ સહિત વરિષ્ઠ સચિવો અને અધિકારીઓએ પણ ઓસ્ટ્રેલિયાના વડાપ્રધાનનું અભિવાદન કરી તેમને આવકાર્યા હતા.
