નવી દિલ્હી:હવે માત્ર માણસો જ નહીં કૂતરા (Dog) પણ કરોડપતિ બની ગયા છે. ગુજરાતના (Gujarat) આ શ્વાન કોઈ અમીર માલિકના પાળતુ પ્રાણી નથી, પરંતુ શેરીઓમાં રખડતા કૂતરાઓ છે, જેમની સંખ્યા 1 કે 2 નહીં પરંતુ 70 છે. આ કરોડપતિ શ્વાન ગુજરાતના છે, જેમને સમયસર ભોજન અને લાડુ (Laddo) ખવડાવવામાં આવે છે. કૂતરા માટે, આ ખોરાક ખુલ્લામાં નહીં, પરંતુ ખૂબ મોટા રસોડામાં તૈયાર કરવામાં આવે છે. જેનું નામ છે ‘રોટલા ઘર’.
- આ શ્વાન માટે 20 થી 30 કિલો લોટની રોટલી બનાવાય છે
- 21 વીંગા જમીનમાંથી આવતી વાર્ષિક રકમ અહીં કૂતરાઓ માટે ખર્ચવામાં આવે છે
મળતી માહિતી મુજબ પાંચોટ ગુજરાતના મહેસાણા જિલ્લાનું ગામ છે. આ ગામમાં વર્ષો જૂની પરંપરા છે કે તેના નામે કેટલીક જમીન પ્રાણીઓની સુરક્ષા માટે દાનમાં આપી દેવી જોઈએ. આ જમીનોની જવાબદારી અહીં હાજર ‘મધ ની પાટી કુતરિયા ટ્રસ્ટ’ નામની સંસ્થા સંભાળે છે. હાલમાં આ ટ્રસ્ટ પાસે 21 વીંગા જમીન છે. આ જમીનોના ભાવ પહેલા ખૂબ જ ઓછા હતા, પરંતુ હવે રાધનપુર-મહેસાણા બાયપાસ બન્યા બાદ 1 વીંગા જમીનની કિંમત લગભગ 3.5 કરોડ રૂપિયા થઈ ગઈ છે, એટલે કે 21 બિગા જમીનની કિંમત લગભગ 73 કરોડ છે. આ હિસાબે દરેક કૂતરો લગભગ 1 કરોડનો માલિક છે. સાથે જ, જેમણે તેમને દાન આપ્યું હતું તેઓએ હજુ સુધી આ મોંઘી જમીન પર પોતાનો હક દર્શાવ્યો નથી અને કેટલાક માલિકોએ ટેક્સ ન ભરવાના કારણે અહીં કરોડોની કિંમતની જમીન દાનમાં આપી દીધી છે.
આ 21 વીંગા જમીનમાંથી આવતી વાર્ષિક રકમ અહીં કૂતરાઓ માટે ખર્ચવામાં આવે છે. દરરોજ રોટલા ઘરની મહિલાઓ આ શ્વાન માટે 20 થી 30 કિલો લોટની રોટલી બનાવે છે. જણાવી દઈએ કે અહીં માત્ર કૂતરા જ નહીં પરંતુ અન્ય પ્રાણીઓ અને પક્ષીઓ પણ રહે છે.
