નવી દીલ્હી: ગુલામ નબી આઝાદના રાજીનામા બાદ હવે જમ્મુ-કાશ્મીરમાં કોંગ્રેસને વધુ એક ઝટકો લાગવા જઈ રહ્યો છે. અહીં કોંગ્રેસમાંથી નેતાઓના રાજીનામાનો ફફડાટ જોવા મળી રહ્યો છે. જમ્મુ-કાશ્મીરમાં પૂર્વ ડેપ્યુટી સીએમ તારા ચંદ, પૂર્વ મંત્રી માજિદ વાની, મનોહર લાલ શર્મા સહિત 51 મોટા નેતાઓ ટૂંક સમયમાં રાજીનામાની જાહેરાત કરી શકે છે. કહેવામાં આવી રહ્યું છે કે આ તમામ નેતાઓ રવિવારે આઝાદના નેતૃત્વમાં નવી પાર્ટીમાં જોડાશે. કોંગ્રેસમાંથી રાજીનામું આપવા જઈ રહેલા 51 નેતાઓમાં પૂર્વ ડેપ્યુટી સીએમ તારા ચંદ, પૂર્વ મંત્રી માજિદ વાની, ઘરુ ચૌધરી, મનોહર લાલ શર્મા, પૂર્વ ધારાસભ્ય બલવાન સિંહ, જમ્મુ અને કાશ્મીર કોંગ્રેસના સચિવ નરિંદર શર્મા અને મહાસચિવ ગૌરવ મગોત્રાનો સમાવેશ થાય છે.
અન્ય પક્ષોના નેતાઓ પણ સામેલ થશે
આ તમામ નેતાઓએ ગુલામ નબી આઝાદની હાજરીમાં કોંગ્રેસમાંથી રાજીનામું આપ્યું. પૂર્વ ડેપ્યુટી સીએમ તારા ચંદે કહ્યું કે અમને ખુશી છે કે આઝાદ પોતાની પાર્ટી બનાવી રહ્યા છે. કોંગ્રેસ હાઈકમાન્ડે અમને એક વખત પણ મળવાની તસ્દી લીધી નથી, અમે અમારી ફરિયાદો વ્યક્ત કરવા માગતા હતા. પણ અમારી વાત સાંભળવાની કોઈને ઈચ્છા નહોતી. અન્ય પક્ષોના નેતાઓએ પણ અમારો સંપર્ક કર્યો હતો. તેઓ પણ અમારી (આઝાદની પાર્ટી)માં જોડાશે. સત્તાધારી ભાજપના નેતાઓ પણ અમારી સાથે જોડાવા માંગે છે.
આ નેતાઓએ રાજીનામું આપી દીધું
તારા ચંદ (ભૂતપૂર્વ ડેપ્યુટી સીએમ), માજીદ વાની (ભૂતપૂર્વ મંત્રી), બલવાન સિંહ (J&K કોંગ્રેસના જનરલ સેક્રેટરી), ઘરુ ચૌધરી (ભૂતપૂર્વ મંત્રી), મનોહર લાલ શર્મા (પૂર્વ મંત્રી), ગુલામ હૈદર મલિક, વિનોદ મિશ્રા, વિનોદ શર્મા. નરિન્દર શર્મા, મસૂદ, પરવિન્દર સિંઘ, આરાધના અન્દોત્રા, સંતોષ મહનસ, સંતોષ મંજોત્રા, વરુણ મંગોત્રા, રેહાના અંજુમ, રસપોલ ભારદ્વાજ, તીરથ સિંહ, નીરજ ચૌધરી, સરનામ સિંહ, રાજદેવ સિંહ, અશોક ભગત, અશ્વિની શર્મા, બદ્રી શર્મા, જગતાર સિંહ. દલજીત સિંહ, મદન લાલ શર્મા, કાલી દાસ, કરનૈલ સિંહ, કરણ સિંહ, ગોવિંદ રામ શર્મા, રામ લાલ ભગત, કેવલ કૃષ્ણ, દેવેન્દ્ર સિંહ બિંદુ, કુલભૂષણ કુમાર સહિત 64 લોકોએ રાજીનામું આપ્યું છે.
આઝાદે નવી પાર્ટી બનાવવાની જાહેરાત કરી
લાંબા સમયથી નારાજ ચાલી રહેલા ગુલામ નબી આઝાદે ગયા અઠવાડિયે કોંગ્રેસમાંથી રાજીનામું આપી દીધું હતું. તેઓ કોંગ્રેસના નારાજ નેતાઓના G-23 જૂથમાં પણ સામેલ હતા. જી-23 જૂથ સતત કોંગ્રેસમાં ઘણા ફેરફારોની માંગ કરી રહ્યું છે. આઝાદે કોંગ્રેસમાંથી રાજીનામું આપ્યા બાદ જાહેરાત કરી હતી કે તેઓ ભાજપમાં જોડાશે નહીં. તેણે કહ્યું છે કે તે જમ્મુ-કાશ્મીરમાં નવી પાર્ટી બનાવશે અને વિધાનસભા ચૂંટણી લડશે.
