ભારતમાં કોરોના વાયરસના મહત્તમ કેસો વિશે વાત કરવામાં આવે તો મહારાષ્ટ્ર ટોચ પર આવે છે. મુંબઇની એક હોસ્પિટલમાં ડોકટરો અને નર્સો કોરોનામાં ચેપ લાગ્યાં બાદ ત્રાહિમામ પોકારી ગયા છે. અઠવાડિયામાં 26 નર્સો અને ત્રણ ડોકટરો કોરોના પોઝિટિવ મળ્યાં બાદ બીએમસીએ વોકહાર્ટ હોસ્પિટલને સીલ કરી દીધી છે. હવે અગત્યની ટીમો સિવાય કોઈ અહીં જઈ શકશે નહીં.
એક અધિકારીએ સ્પષ્ટ કર્યું હતું કે જ્યાં સુધી અહીંના લોકોના પરીક્ષણો બે વાર નેગેટિવ નહીં આવે ત્યાં સુધી ન તો કોઈને પ્રવેશ મળશે અને ન તો કોઈ મુંબઈ સેન્ટ્રલ હોસ્પિટલની બહાર જઇ શકે.
એડિશનલ મ્યુનિસિપલ કમિશનર સુરેશ કાકાનીએ જણાવ્યું હતું કે, એક્ઝિક્યુટિવ હેલ્થ ઓફિસરની અધ્યક્ષતામાં એક ટીમ બનાવવામાં આવી છે, જે હોસ્પિટલની આટલી યોગ્ય વ્યવસ્થા વચ્ચે વાયરસ કેવી રીતે ફેલાયો તે જાણવા મળશે. મોટી સંખ્યામાં કોરોનાથી ચેપ લાગવાના કિસ્સા નોંધાયા બાદ આશરે 270 જેટલા હોસ્પિટલ કર્મચારીઓ અને દર્દીઓનાં સેમ્પલ ટેસ્ટ માટે મોકલવામાં આવ્યા છે.
