ગાંધીનગર : આજે બુધવારે રાજયમાં કચ્છના નલિયામાં ઠંડીમાં વધારો થયો છે. ખાસ કરીને રાજયમાં આજે બુધવારે ઠંડીનો ચમકારો અનુભવાયો હતો. કચ્છના નલિયામાં ઠંડીનો પારો નીચે ગગડીને 10 ડિગ્રીએ પહોંચી ગયો હતો. નલિયામાં આજે ઠંડીનો ધ્રુજારો અનુભવાયો છે. . રાજયમાં દક્ષિણ ગુજરાત – સૌરાષ્ટ્ર – કચ્છમાં સામાન્ય કરતાં ઘણું નીચુ ઓછું તાપમાન નોંધાયુ છે. આજે બુધવારે અમદાવાદ અને ગાંધીનગરમાં પણ ઠંડીનો ચમકારો જોવા મળી રહ્યો છે. હવામાન વિભાગના વૈજ્ઞાનિકોના કહેવા મુજબ , રાજયમાં હજી 2થી 3 ડિગ્રી જેટલી ઠંડી વધશે. રાજયના વિવિધ શહેરોમાં ગરમીનો પારો સરેરાશ 10થી 15 ડિ.સે..ની આસપાસ રહ્યો હતો.
હવામાન વિભાગના સુત્રોએ કહયું હતું કે રાજયના અન્ય શહેરો પૈકી ભૂજમાં 14 ડિ.સે.,નલિયામાં 10 ડિ.સે., કંડલા પોર્ટ પર 15 ડિ.સે., કંડલા એરપોર્ટ પર 11 ડિ.સે., અમરેલી ડિ.સે.12 ડિ.સે., ભાવનગરમાં 15 ડિ.સે., રાજકોટમાં 13 ડિ.સે., સુરેન્દ્રનગરમાં 15 ડિ.સે., મહુવામાં 15 ડિ.સે., અમદાવાદમાં 14 ડિ.સે.,ડીસામાં 13 ડિ.સે., ગાંધીનગરમાં 13 ડિ.સે., વલ્લભ વિદ્યાનગરમાં 15 ડિ.સે., વડોદરામાં 13 ડિ.સે., સુરતમાં 19 ડિ.સે. અને દમણમાં 15 ડિ.સે. લધુત્તમ તાપમાન નોંધાવવા પામ્યું છે.
