શહેરના સમા કેનાલ પાછળ આવેલા સૂરજનગર સો. ખાતે રખડતાં ઢોરો પકડવા ગયેલી કોર્પોરેશનની ટીમ પાછળ બાઈક પર પોતાના પશુઓ છોડાવવા આવી ગયેલા ઢોર માલિકોએ સામાન્ય બાબતે સ્થાનિક યુવકો પર હુમલો કરી ઇજા પહોંચાડતા સારવાર અર્થે એસએસજી હોસ્પિટલ ખાતે ખસેડાયા હતા.
આ સમગ્ર મામલે ઈજાગ્રસ્ત યુવકના ભાઈએ જણાવ્યું હતું કે, અમે સમા સાવલી રોડ પાસે રહીએ છીએ સુરજ નગર સોસાયટીમાં જ્યાં ગતરોજ ગાયો પકડવા માટે કોર્પોરેશન વાળા આવ્યા હતા એ વખતે ઢોર માલિકો ગાડીઓ લઈને આવ્યા હતા અને બાઈક લઈને એ લોકો આવ્યા ત્યારે ગાડી બાળકને અડી ગઈ હતી જેથી બાળકના પિતા આવીને બોલ્યા એમાં એ 10 થી 15 જેટલા લોકોના ટોળાએ હુમલો કર્યો હતો. દુકાનમાં તોડફોડ કરી હતી.આ અંગે ભાઇને જાણ થતાં તે ઘર બહાર આવ્યો હતો ત્યારે મારા ભાઈ પર પણ હૂમલો કરતાં તેને વાગ્યું છે માથામાં ટાંકા આવ્યા છે મને સામાન્ય વાગ્યું છે જ્યારે અન્ય એક બીજા યુવકને પણ ઇજા થઇ છે. એસએસજીમાં સારવાર કરાવ્યા બાદ અમે સમા પોલીસ મથકે તેમના વિરુદ્ધ ફરિયાદ આપીશું તેમ જણાવ્યું હતું.
