બુટલેગર પ્રેમ પહેલવાની સહિત બેની ધરપકડ,રુ. 2.19 લાખનો મુદ્દામાલ કબજે
પ્રતિનિધિ વડોદરા તા.21
વડોદરાના વારસિયા વિસ્તારમાં ચાલતા દારૂના વેચાણ પર પીસીબીની ટીમે રેડ કરી હતી. જેમાં સ્થળ પરથી વિદેશી દારૂ અને બિયરના જથ્થા સાથે બે શખ્સોને ઝડપી પાડ્યા હતા. જ્યારે બુટલેગર લાલુ સિંધી સહિત બેને વોન્ટેડ જાહેર કર્યા હતા. પીસીબીની ટીમે સ્થળ પરથી રુ.2.19 લાખનો મુદ્દામાલ કબજે કરી આગળની કાર્યવાહી માટે વારસિયા પોલીસને સુપ્રત કર્યો હતો.
વડોદરા શહેરના વારસિયા વિસ્તારમાં મોટી માત્રામાં દેશી વિદેશી દારૂનું વેચાણ થતું હોય છે. 20 સપ્ટેમ્બરના રોજ પીસીબી પોલીસની ટીમ વારસિયા વિસ્તારમાં ટીમ પેટ્રોલિંગની કામગીરી કરી રહી હતી. દરમિયાન બાતમી મળી હતી કે વારસીયા વિસ્તારમાં આવેલા ઝુલેલાલ મંદિરવાળી ગલીમાં દુકાન નં-14ની બહાર બુટલેગર પ્રેમ પહેલવાની તથા તેનો માણસ એક્ટિવામામાં વિદેશી દારૂનો જથ્થો રાખી વેચાણ કરી રહ્યા છે. જેના આધારે બાતમી મુજબની જગ્યા ઝુલેલાલ મંદિર પાસેની ગલીમાં રેડ કરી હતી. ત્યારે સ્થળ પરથી પ્રેમ પહેલવાની તથા નારાયણદાસ લાલવાણી ઝડપાઈ ગયા હતા. એકટીવાની ડીકીમાં તપાસ કરતા 14 હજારનો વિદેશી દારૂ અને બિયરની જથ્થો મળી આવ્યો હતો. પીસીબીએ દારૂ અને બિયર, રોકડા 24 હજાર, ત્રણ મોબાઇલ અને બે એકટીવા મળી રૂ. 2.19 લાખનો મુદ્દામાલ કબ્જે કરીને આગળની કાર્યવાહી માટે વારસિયા પોલીસને સોપ્યો હતો. જ્યારે લિકર કિંગ બુટલેગર લાલુ સિંધી અને બિન્ની ઉર્ફે વિવેક નહિ ઝડપાતા તેમને વોન્ટેડ જાહેર કરવામાં આવ્યા હતા.
