( પ્રતિનિધિ )વડોદરા,તા.19
વડોદરા શહેરના પાંચ પોલીસમાં સ્ટેશનોમાં પ્રોહિબિશનના ગુનામાં ઝડપાયેલા કરોડો રૂપિયાના વિદેશી શરાબના જથ્થાનો મંગળવારે વિભાગના ઉચ્ચ પોલીસ અધિકારીઓની ઉપસ્થિતિમાં નાશ કરવામાં આવ્યો હતો.
વડોદરા શહેર પોલીસ વિભાગના ઝોન 3 માં આવતા કુલ પાંચ પોલીસ સ્ટેશનમાં ઝડપાયેલા 1 કરોડ 56 લાખના વિદેશી શરાબના જથ્થાનો તરસાલી રોડ ધનિયાવી પાસે આવેલા ચિખોદરા ગામની સીમમાં નાશ કરવામાં આવ્યો હતો. ડીસીપી લીના પાટીલે જણાવ્યું હતું કે ઝોન ત્રણમાં આવતા કુલ પાંચ પોલીસ સ્ટેશનના પ્રોહીબિશનના મુદ્દા માલ દારૂના જથ્થાનો નાશ કરવામાં આવ્યો છે. જેમાં એસડીએમ, નશાબંધી આબકારી ખાતાના અધિકારીઓ એસીપી, પીઆઇ તમામ પોલીસ સ્ટેશનના અધિકારીઓની ઉઓસ્થિતિમાં 1 કરોડ 56 લાખ જેટલા દારૂના જથ્થાનો નાશ કરવામાં આવ્યો છે.
