વડોદરા લોકલ ક્રાઈમ બ્રાન્ચે વિદેશી દારૂ ભરેલ ટ્રક ઝડપી પાડી :
વિદેશી દારૂ સાથે એક ઈસમની અટકાયત
જરોદ વિસ્તારમાં એલસીબી પેટ્રોલીંગમાં હતા ત્યારે કોન્સ્ટેબલ જયપાલસિંહ કરણસિંહ નાઓને ચોકકસ બાતમી મડતા હાલોલ વડોદરા રોડ ઉપર આંબલીયારા જીઈબી સ્ટેશન પાસે વોચ ગોઠવી હતી. તે દરમિયાન જરોદ તરફથી વડોદરા તરફ આવતી અશોક લેલન ટ્રક આમલીયારા ગામ પાસે આવેલ જી.ઇ.બી. ના ગેટ પાસે આવીપહોંચતા વોચમાં ઉભેલ LCBએ રોકી સાઇડમાં લેવડાવી ટ્રકના ડ્રાઇવર નરસિંગારામ ભીખારામ પીડેલ (જાટ) રહે, સારલા તા. સૈડવા જી. બાડમેર રાજસ્થાનીને સાથે રાખી ટ્રકમાં પાછળના ભાગે બાંઘેલી તાડપત્રી ખોલી તપાસ કરતા પ્લાસ્ટીકના કેરેટોની આડમા સંતાડેલો ભારતીય બનાવટના વિદેશી દારુની જુદા જુદા માર્કાની પેટીઓ ભરેલી મળી આવી હતી. વિદેશી દારૂની કુલ પેટી નંગ -496 કુલ બોટલ નંગ- 11652 કિ.રૂ. 25, 00, 800/- તથા મોબાઇલ ફોન નંગ- ૦1 કિ.રૂા. 5 હજાર સહિત અશોક લેલન ટ્રકની કિ.રૂ.15 લાખ તથા પ્લાસ્ટીકના કેરેટ નંગ- 250 જેની કીરૂ.12, 500/- મળી કુલ રૂ. 40, 18, 300/-નો મુદામાલ કબ્જે ડ્રાઇવરને આ જથ્થો કોની પાસેથી, અને ક્યાંથી ભરી લાવેલ છે અને કોને, કઈ જગ્યાએ આપવાનો છે તે અંગે પૂછતા અશોક લેલન ટ્રકનો દારુનો જથ્થો સોનારામ થોરી રહે, બાયતુ જી. બાડમેર (રાજસ્થાન) નામના ઇસમે કોટા બાયપાસ ઉપર આવેલ એક હોટલ ઉપરથી આપેલ અને ગુજરાતના વડોદરા પહોચીને ફોન કરવાનું જણાવેલ અને વોટસપથી લોકેશન મોકલતો હોવાની હકિકત જણાવતા વિદેશી દારૂ સાથે પકડાયેલ ઇસમ તેમજ વિદેશી દારૂનો જથ્થો સપ્લાય કરનાર ઇસમ વિરૂધ્ધ કાયદેસરની કાર્યવાહી કરી જરોદ પોલીસ સ્ટેશનમાં ગુનો નોંધી વઘુ તપાસ હાથ ધરી છે.
