*ગાંધી જયંતિ અને વડતાલધામ દ્વિશતાબ્દી મહોત્સવ નિમિતે શ્રી સ્વામિનારાયણ મંદિર, વાડી, વડોદરામાં સ્વચ્છતા અભિયાન કાર્યક્રમ યોજાયો
વડોદરા, 2 ઓક્ટોબર, 2024: ગાંધી જયંતિ અને વડતાલધામ દ્વિશતાબ્દી મહોત્સવના અવસરને આદરતાં, વડોદરાના શ્રી સ્વામિનારાયણ મંદિર, વાડી ખાતે વિશેષ સ્વચ્છતા અભિયાનનું આયોજન કરવામાં આવ્યું હતું. મહાત્મા ગાંધીની ‘સ્વચ્છ ભારત’ની દ્રષ્ટિને જીવંત રાખવા અને સમૂહ સ્વચ્છતા માટે પ્રેરણા આપવા, મંદિરના સંતો અને સ્વયંસેવકો દ્વારા આજે મંદિર પરિસરમાં તથા આસપાસના વિસ્તારોમાં ભવ્ય સ્વચ્છતા અભિયાન ચલાવવામાં આવ્યું હતું.
આ સ્વચ્છતા અભિયાનમાં મંદિરમાં આવેલા ભક્તો અને સ્થાનિક લોકો સ્વયંભૂ રીતે જોડાયા હતા, જેમણે સમૂહ સ્વચ્છતા માટે જાગૃતિ અભિયાનમાં પણ ભાગ લીધો. સંતોએ આપણા જીવનમાં પર્યાવરણની મહત્વતા તથા સ્વચ્છતા માટે સૌના પ્રત્યે સમર્પણના સંદેશા સાથે કાર્યક્રમની શરૂઆત કરી હતી.
આ પ્રસંગે શ્રી સ્વામિનારાયણ મંદિર, વાડીના મુખ્ય સંતો શ્રી કે કે શાસ્ત્રીજી અને વિષ્ણુ સ્વામીજીએ જણાવ્યું હતું કે, “વડતાલધામ દ્વિશતાબ્દી મહોત્સવ જેવા વિશિષ્ટ પ્રસંગો પર સ્વચ્છતા અભિયાનના આયોજનથી મહાત્મા ગાંધીજીની જ્ઞાનધારા અને સ્વામિનારાયણ સંપ્રદાયના મૂળભૂત મૂલ્યો વચ્ચેનો અનુસંધાન જોવા મળે છે.”
