માનેલી પુત્રી અને તેની માતાના વારંવારના ટોર્ચરથી કંટાળી ગ્રાહક સુરક્ષા એક્ટિવિસ્ટએ આત્મહત્યા કરી હોવાનો આક્ષેપ
વાઘોડિયા રોડ આવેલા નારાયણ ડુપ્લેક્સ મકાનના પ્રથમ માળે ગ્રાહક સુરક્ષા એક્ટિવિસ્ટ પી વી મૂરજાણીએ ગોળી મારીને આપઘાત કરી લેતા ચકચાર મચી ગઈ છે. તેઓએ લખેલી સુસાઇડ નોટમાં માનેલી દીકરી અને તેની માતાના વારંવાર ના ટોર્ચરના કારણે અંતિમ પગલું ભર્યું હોય તેનો ઉલ્લેખ કર્યો છે. જેથી મારા કાકાના મોતના જવાબદારો સામે કાયદેસરને કાર્યવાહી કરી તેમને ન્યાય મળે તેવી પણ તેમના ભત્રીજાએ માંગણી પોલીસ સમક્ષ કરી છે.
વડોદરા શહેરના વાઘોડિયા રોડ પર આવેલા નારાયણ ડુપ્લેક્સ માં રહેતા પી વી મુરજાણી ગ્રાહક સુરક્ષા એક્ટિવિસ્ટ હતા અને કારેલીબાગ વિસ્તારમાં ગ્રાહક સુરક્ષાની કચેરી ધરાવતા હોય ઘણા લોકોને ન્યાય અપાવ્યો હતો. પુરુષોત્તમ મુરજાણી તથા તેમના પત્ની જાગૃતિબેન ને લગ્નના ઘણા વર્ષો થયા હતા. પરંતું પોતાનું સંતાન ન હતું. મસ મોટી મિલકત હોવા છતાં તેમને સંતાન ન હોય કોમલ સિકલિગર નામની યુવતીને પોતાની દીકરી માની લીધી હતી. જેથી તેઓ કોમલ તથા તેની માતા સંગીતા સીકલીગરની પણ તમામ જવાબદારી તેઓ જ પૂરી પાડતા હતા. કોમલના પિતાના અવસાન બાદ મૂરજાણીએ તેની તેની બહેન તથા માતાની તમામ જરૂરિયાતો પરિપૂર્ણ કરતા હતા. કોમલને તેઓએ પેટ્રોલ પંપ પણ સ્થાપી આપ્યો છે અરે તાજેતરમાં જ લક્ઝરીયસ મર્સિડીઝ કાર પણ ખરીદીને આપી હતી. દરમિયાન તેઓ કારમાં તેમની પત્નીને બેસાડીને તેમના ભાઈઓને બતાવવા માટે લઈ ગયા હતા ત્યારે કોમલ અને તેની માતા સંગીતા એ ફોન કરીને તુ એ તારી પત્નીને કેમ મારી કારમાં બેસાડી કેમ કહી ધમકાવ્યા હતા. ઉપરાંત તું તારી પત્નીને છોડી દે નહીંતર તારા વિરુદ્ધ બળાત્કારની ફરિયાદ નોંધાવીશું તેવી ધમકી પણ આપી હતી. તેથી તેઓ ડિપ્રેશનમાં આવી ગયા હતા અને એક્ટિવિસ્ટના કેરિયર પર એક લાંછન લાગશે તેવા ડરથી પોતાની જ રિવોલ્વર માંથી લમણે ગોળી મારીને આત્મહત્યા કરી લીધી હતી. તેઓએ મેસેજ દ્વારા લખેલી નોટમાં તેમની માનેલી દીકરી કોમલ અને તેની માતાના અતિશય ત્રાસના કારણે આ પગલું ભર્યાનો ઉલ્લેખ પણ કર્યો છે. મૃતક પી વી મુરજાણીના ભત્રીજા જગદીશ મુરજાણીએ કાકાના મોતના જવાબદારો સામે કાયદેસરની કાર્યવાહી કરી તેમને ન્યાય અપાવવા માટે પણ પોલીસ વિભાગ તરફ માંગણી કરી છે.
મૃતકની અંતિમ વિધિ બાદ તેમની પત્નીનું નિવેદન લેવામાં આવશે
આઠ નવેમ્બર ના રોજ વાઘોડિયા રોડ પર આવેલા નારાયણ ડુપ્લેક્સ ના મકાનમાં ગ્રાહક સુરક્ષા એક્ટિવિસ્ટે પોતાની જ રિવોલ્વર માંથી લમણે ગોળી મારીને આત્મહત્યા કરી લીધી હતી. પત્ની મંદિરેથી આવતા તેમના પતિ ઘણો સમય થઈ ગયો હોય નીચે નહીં આવતા તેઓએ ઉપર જઈને તપાસ કરતા તેમના પગ નીચેથી જમીન સરકી ગઈ હતા. પત્નીએ બુમાબુમ કરતા આસપાસમાંથી રહીશો ભેગા થઈ ગયા હતા ઉપરાંત કુટુંબી પણ દોડી આવ્યા હતા. ઘટનાની જાણ થતા પાણીગેટ પોલીસ સ્ટેશનના પીઆઇ એચ એમ વ્યાસ સહિતનો કાફલો સ્થળ પર દોડી આવ્યો હતો. પોલીસે લાશને પીએમ માટે સયાજી હોસ્પિટલમાં ખસેડી છે. પીએમ થઈ ગયા બાદ લાશનો કબજો તેમના પરિવારજનોને અંતે વિધિ માટે સોંપાશે. જોકે હાલમાં પોલીસ મૃતકની પત્ની ની તબિયત સારી ન હોય નિવેદન લેવાનું ટાળ્યું હતું. અંતિમવિધિ વાત પોલીસ દ્વારા તેમની પત્ની તથા પરિવારજનોની પૂછપરછ કરાશે. સુસાઇડ નોટમાં જે લોકોના કારણે આત્મહત્યા કરી છે તે લોકોને પણ પોલીસે નિવેદન લીધા બાદ આત્મહત્યા કરવા દુષ્પ્રેરણા આપ્યાનો ગુનો નોંધવામાં આવશે.
