વડોદરા તારીખ 11
માંજલપુર વિસ્તારમાં રહેતી 37 વર્ષીય યુવતીએ શ્રી કુંજ હાઈટ્સની બિલ્ડીંગના સાતમા માળ પરથી નીચે કૂદીને આપઘાત કરી લેતા ચકચાર મચી ગઈ છે. સાતમા માળ પરથી યુવતીએ નીચે કૂદકો માર્યો હોવાના સીસીટીવી પણ સામે આવ્યા છે. પોલીસે ઘટના સ્થળે પહોંચી લાશને પીએમ માટે ખસેડયા બાદ કયા કારણોસર યુવતીએ આપઘાત કર્યો તેની દિશામાં તપાસ શરૂ કરી છે.
તાજેતરમાં જ કન્ઝ્યુમર એક્ટિવીસ્ટ પરસોતમ મુરજાણીએ વાઘોડિયા રોડ પર પોતાના નારાયણ ડુપ્લેક્સના મકાનમાં પોતાની જ સર્વિસ રિવોલ્વર માંથી લમણે ગોળી મારીને આપઘાત કરી લીધો હતો. ત્યારે વધુ એક આત્મહત્યાનો કિસ્સો પ્રકાશમાં આવ્યો છે. જેમાં એવી વિગત છે કે માંજલપુર વિસ્તારમાં રહેતી મનિષાબેન કદમ (ઉં.વ.37) પોતાના ઘરથી અંદાજે 850 મીટરના અંતરે આવેલી શ્રીકુંજ હાઈટ્સ નામની નામની બિલ્ડીંગના સાતમા માળ પરથી નીચે ભૂસ્કો મારીને આપઘાત કરી લેતા સમગ્ર પંથકમાં ચકચાર મચી ગઈ છે. યુવતી સાતમા માળેથી નીચે કૂદકો મારતી હોવાની સમગ્ર ઘટના સીસીટીવી કેમેરામાં કેદ થઈ ગઈ હતી. જે સીસીટીવી બહાર આવ્યા છે. સ્થાનિક રહીશોએ ઘટના અંગે પોલીસને જાણ કરતા પોલીસે તુરંત સ્થળ પર દોડી આવીને લાશને પીએમ માટે ખસેડી હતી. મનિષાબેન કદમે કયા કારણોસર આત્મહત્યા કરવાનું પગલું ભર્યું તે દિશામાં તપાસ શરૂ કરી છે.
