વડોદરા 19
કારેલીબાગ નાગરવાડામાં હત્યાની કોશીશ તથા એસએસજી હોસ્પીટલ ખાતે પૂર્વ કોર્પોરેટર ના પુત્રની હત્યાના ગુનામાં વધુ વોન્ટેડ પૈકી બે આરોપીઓનેએસઓજી પોલીસની ટીમે ઝડપી પાડ્યા છે. બંને આરોપીઓને રાવપુરા પોલીસ સ્ટેશનમાં સોપવામાં આવ્યા છે.
તાજેતમાં નાગરવાડા મહેતાવાડીમાં ખુનની કોશીશ તથા એસએસજી હોસ્પીટલ ખાતે પૂર્વ કોર્પોરેટર રમેશ રાજાના પુત્ર તપન પરમારને બાબર ખાન પઠાણે ચાકુના ઘા મારીને મોતને ઘાટ ઉતારવામાં આવ્યો હતો. જેમાં પોલીસે મુખ્ય આરોપી સહિત પાંચ લોકોની ધરપકડ કરી લીધી છે. જ્યારે અન્ય આરોપી ભાગતા ફરતા હોય પોલીસની વિવિધ ટીમો દ્વારા તેમની શોધખોળ હાથ ધરવામાં આવી હતી. દરમિયાન એસઓજી ટીમના માણસો વડોદરા શહેર વિસ્તારમાં પેટ્રોલીંગમાં હતા. દરમ્યાન બાતમી મળી હતી કે રાવપુરા પોલીસ સ્ટેશનના મર્ડરના ગુન્હામાં સંડોવાયેલા બાબર પઠાણના બંને ભાઇઓ મહેબુબ તથા સલમાન ઉર્ફે સોન પઠાણ થોડીવારમાં આજવા ચોકડી ખાતે આવનાર છે. જેના આધારે બાતમીવાળી જગ્યાએ એસઓજીની ટીમે વોચ ગોઠવી હતી. દરમિયાન આરોપીઓ મહેબુબ હબીબખાન પઠાણ (રહે. હરીજનવાસ, ૧૦ નંબર સ્કુલની પાછળ, મહેતાવાડી પાછળ, નાગરવાડા, વડોદરા) તથા સલમાન ઉર્ફે સોનું હબીબખાન પઠાણ (રહે. હરીજનવાસ, ૧૦ નંબર સ્કુલની પાછળ, મહેતાવાડી પાછળ, નાગરવાડા, વડોદરા)ને ઝડપી પાડ્યા હતા. અત્રે ઉલ્લેખની એ છે કે મહેબુબ હબીબખાન પઠાણ ગુનાઈત ભૂતકાળ ધરાવે છે. આરોપી વિરુદ્ધ વિવિધ પોલીસ સ્ટેશનમાં 15 ઉપરાંતના ગુના પણ નોંધાયેલા છે.
