વડોદરા પારુલ યુનિવર્સિટીના વિદ્યાર્થીનો રહસ્યમય આપઘાત

Share

Tweet

Share

Share

Email

Comments

🔹 સુરતના વરાછા વિસ્તારનો રહેવાસી, વાઘોડિયા રોડ પર મિત્રો સાથે રહેતો હતો વિદ્યાર્થી
🔹 બાપોદ પોલીસે લાશને પીએમ માટે મોકલી તપાસ શરૂ કરી, કારણ અંગે રહસ્ય યથાવત
વડોદરા, તા. 26:
વડોદરાના વાઘોડિયા રોડ વિસ્તારમાં ભાડાના મકાનમાં રહેતા પારુલ યુનિવર્સિટીના ફિઝિયોથેરાપીના વિદ્યાર્થીએ રહસ્યમય સંજોગોમાં ગળે ફાંસો ખાઈ જીવન ટૂંકાવ્યાની ઘટના સામે આવી છે.
પ્રાપ્ત માહિતી મુજબ સુરતના વરાછા વિસ્તારની વર્ષા સોસાયટીનો રહેવાસી રુત્વિક વિપુલભાઈ કલસરીયા (ઉ.વ. 22) વડોદરાના વાઘોડિયા રોડ પર આવેલી ચન્દ્રગુપ્ત સોસાયટીમાં બે મિત્રો સાથે ભાડેથી રહી પારુલ યુનિવર્સિટીમાં ફિઝિયોથેરાપીના ત્રીજા વર્ષમાં અભ્યાસ કરતો હતો. ગઈ રાત્રે તેની સાથે રહેતા મિત્રો જમવા માટે બહાર ગયા હતા.
પછી મિત્રો પરત ફર્યા ત્યારે રસોડામાં પંખા સાથે રુત્વિક ફાંસો ખાધેલી હાલતમાં લટકતો જોવા મળ્યો હતો. ઘટનાની જાણ થતાં બાપોદ પોલીસ તાત્કાલિક સ્થળ પર પહોંચી હતી અને લાશને નીચે ઉતારી પોસ્ટમોર્ટમ માટે મોકલી આપી હતી. વિદ્યાર્થીએ કયા કારણોસર આપઘાત કર્યો તે અંગે પોલીસે વધુ તપાસ હાથ ધરી છે.