( પ્રતિનિધિ )વડોદરા,તા.25
વડોદરા શહેર ભાજપના પૂર્વ કોર્પોરેટર રમેશ રાજા પરમાર ના પુત્ર તપન પરમાર ની માથાભારે શખ્સ પઠાણે એસએસજી હોસ્પિટલમાં પોલીસની હાજરીમાં ચપ્પુના ઘાંચી ઘાતકી હત્યા કરી હતી. આ ઘટના બાદ સમાજમાં ભારે રોષની લાગણી જોવા મળી રહી છે. જોકે ભાજપ એસસી મોરચાના પ્રેસિડેન્ટ હર્ષદ પરમારે સોશિયલ મીડિયામાં ભડાશ કાઢી છે.
હત્યાની ઘટના બાદ હત્યારા બાબરની ઉપર મહેરબાન કારેલીબાગ પોલીસ સામે શહેર પોલીસ કમિશનર દ્વારા કાર્યવાહી કરવામાં આવી છે. જોકે હજી પણ પરિવારજનોને ન્યાય મળ્યો નથી ત્યારે. વડોદરા શહેર ભાજપ એસસી મોરચાના પ્રેસિડેન્ટ અને એડવોકેટ હર્ષદ પર મારે ટ્વિટ કર્યું છે. જેમાં તેમણે જણાવ્યું છે કે, આજે વડોદરામાં તપન પરમાર ની હત્યા બાબતે *કથિત દલિત આંદોલનકારી નેતા કેમ છે ?* *કેમકે હત્યારો બાબર છે* જોકે આ ટ્વીટ કોની માટે કર્યું છે સમાજને એકત્ર થવા કે પછી કોઈક ઉપર નિશાન સાધ્યું છે. જોકે, સમજનારા આ ટ્વીટથી સમજીજ ગયા હશે.
