(પ્રતિનિધિ), વડોદરા. તા.13
તાજેતરમાં યોજાયેલ ચૂંટણી પ્રક્રિયામાં વડોદરા જિલ્લાની નગરપાલિકા, જિલ્લા પંચાયત અને તાલુકા પંચાયતની કેટલીક બેઠકો પર ઉમેદવારો બિનહરીફ ચૂંટાયા હોવાના અહેવાલ પ્રાપ્ત થયા છે. ચૂંટણી પંચ દ્વારા જાહેર કરવામાં આવેલી વિગતો મુજબ, ભારતીય જનતા પાર્ટીના ઉમેદવારોએ પોતાની બેઠકો બિનહરીફ અંકે કરી છે.
- સાવલી નગરપાલિકાના વોર્ડ નંબર 3 માંથી ભારતીય જનતા પાર્ટીના અંકિત રાણા બિનહરીફ જાહેર થયા છે.
- વાઘોડિયા તાલુકાની ગુતાલ-13 બેઠક પરથી ભારતીય જનતા પાર્ટીના ઉમેદવાર વિશાલકુમાર ભીખાભાઈ વસાવા બિનહરીફ વિજેતા બન્યા છે.
- વાઘોડિયા તાલુકા પંચાયતની ગુતાલ-6 બેઠક પર ભારતીય જનતા પાર્ટીના મહિલા ઉમેદવાર પરમાર મિનાબેન અનિલભાઈ પણ બિનહરીફ ચૂંટાઈ આવ્યા છે.
વડોદરા મહાનગરપાલિકાના કિસ્સામાં, પ્રાપ્ત માહિતી અનુસાર હાલ કોઈ પણ બેઠક બિનહરીફ થઈ હોવાની વિગત નોંધાઈ નથી.
આમ, વડોદરા જિલ્લામાં પંચાયત અને નગરપાલિકા સ્તરે ભારતીય જનતા પાર્ટીના ઉમેદવારોએ બિનહરીફ વિજય મેળવીને પોતાની પકડ મજબૂત કરી છે.
