સ્થાનિકોએ હાઇવે પર ચક્કાજામ કરી કોન્ટ્રાક્ટરની લાપરવાહીને લઇને વિરોધ વ્યક્ત કર્યો
વડોદરાના નેશનલ હાઇવે 48 પર જામ્બુઆ બ્રિજ નજીક એક દુઃખદ અકસ્માતમાં 22 વર્ષીય યુવક કૈલાશ પાસવાનનો જીવ ગુમાવવો પડ્યો છે. કૈલાશ પાસવાન આઇટીમાં બીજા વર્ષનો અભ્યાસ કરતો હતો. તે પોતાના કામથી પરત ફરતો હતો ત્યારે આ દુર્ઘટના બની. ઘટનાના દ્રશ્યો જોઈને સ્થાનિકો રોષે ભરાયા અને તેમણે હાઇવે પર જ બેસી ચક્કાજામ કર્યો હતો. ચક્કાજામ કારણે હાઇવે પર આ પગલાંએ ભારે ટ્રાફિકજામનાં દ્રશ્યો સર્જાયા હતા.
કૈલાસ પાસવાન નામના યુવકનું હિટ એન્ડ રનમાં મોત નિપજ્યા બાદ પરિવારજનો અને સ્થાનિકોએ હાઇવે ચક્કાજામ કરી દીધો હતો. ચક્કાજામ પગલે પોલીસના ઉચ્ચ અધિકારીઓ ઘટના સ્થળે દોડી આવ્યા હતા. પોલીસની સમજાવટ બાદ મૃતદેહ સ્વીકારી લેતા વાહનવ્યવહાર પૂર્વવત થયો હતો. ચક્કાજામ પગલે રોડની બંને સાઈડમાં વાહનોની લાંબી કતારો લાગી ગઈ હતી.
સ્થાનિકોએ આ અકસ્માત માટે કોન્ટ્રાક્ટરની લાપરવાહી અને અધૂરા કામ એમ બન્ને પર આરોપ લગાવ્યો હતો. તેમનું માનવું છે કે માર્ગનું કામ અધૂરું હોવાને કારણે અકસ્માત ઘટ્યો. સ્થાનિકોએ દાવો કર્યો કે જો રોડ પર કામ પૂરું થઈ ગયું હોત, તો આ દુખદ ઘટના ટાળી શકાય હોત.
ઘટનાને પગલે પોલીસના ઉચ્ચ અધિકારીઓ સ્થળ પર દોડી આવ્યા હતા. ઝોન – 4 ડીસીપી પન્ના મામોયા અને ટ્રાફિક ડીસીપી જ્યોતિ પટેલ ઘટના સ્થળે પહોંચ્યા હતા. સ્થાનિકો સાથે ચર્ચા કર્યા બાદ, ટ્રાફિક વ્યવસ્થા શાંતિથી પુનઃસ્થાપિત કરાઈ હતી.
કૈલાશના પરિવારજનોએ એક માત્ર પુત્ર ગુમાવતાં ખૂબ જ દુખી હતા. પરિવાર અને સ્થાનિકો બંને ન્યાયની માંગ કરી રહ્યા હતા. દરેક તબક્કે, પોલીસે પરિવારને આશ્વાસન આપતા કહ્યું કે તેઓ કેસની તપાસ કરશે અને જવાબદાર સામે ચોક્કસથી પગલા ભરાશે. લાંબી સમજાવટ અને આંતરિક ચર્ચાઓ બાદ, વાહન વ્યવહાર ફરીથી સામાન્ય થયો હતો. હીટ એન્ડ રન અકસ્માતને પગલે પોલીસે સમગ્ર મામલે વધુ કાર્યવાહી હાથ ધરી છે. ઉલ્લેખનીય છે કે, જામ્બુઆ બ્રિજ પર અવાર નવાર અકસ્માતના બનાવો બનતા હોય છે.
