પાણીગેટ પોલીસે બે અલગ અલગ સ્થળ પર દરોડા પાડ્યાં
(પ્રતિનિધિ) વડોદરા તા.1
શહેરના બાવામાનપુરા તથા અજબડી મીલ પાસે ચાલતા જુગાર પર પાણીગેટ પોલીસે રેડ કરીને 17 જુગારીઓના ઝડપી પાડ્યા હતા. જુગારીઓની અંગજડતી તથા દાવ પરની રોકડ રકમ સહિત 22 હજારનો મુદ્દામાલ કબજે કરીને આગળની કાર્યવાહી હાથ ધરી છે.
લોકસભાની ચૂંટણીને ધ્યાનમાં રાખીને પોલીસ દ્વારા નાઇટ પેટ્રોલિંગ તથા વાહન ચેકિંગ સઘન રીતે કરાઇ રહ્યું છે. દરમિયાન 30 એપ્રિલના રોજ પાણીગેટ પોલીસની ટીમને બાતમી મળી હતી કે બાવામાનપુરા નાકા કતલખાના કોટની પાસે તથા અજબડી મીલ પાસે ખુલ્લામાં કેટલાક શખ્સો ભેગા મળીને જુગાર રમી રહ્યા છે. જેના આધારે બે અલગ અલગ ટીમોએ બાતમી મુજબના સ્થળો પર રેડ કરી હતી. પોલીસની રેડ પગલા જુગારીઓમાં દોડધામ મચી ગઇ હતી. જેમાં બંને જગ્યા પરથી 17 જુગારીઓ રફીકતઅલી શેખ, અકરમ શેખ, શકીલ મન્સુરી, મહમદ અયાસ શેખ, અયાજુદ્દીન સૈયદ, દિલીપ દેવીપુજક, પ્રકાશ ગોબરભાઇ, જાવેદ શેખ, ગુલામરસુલ લુહાર, મુનીરઅલી સૈયદ, ઇમરાન શેખ, યુસુફ શેખ, ફિરોજખાન પઠાણ, ઇમરાન શેખ, અનવરશા દિવાન, અફઝલહુસેન અરબને ઝડપી પાડવામાં આવ્ હતા. પોલીસે જુગારીઓની અંગજડતી તથા દાવ પર લાગેલી રોકડ રકમ મળી 22 હજારનો મુદ્દામાલ કબજે કરવામાં આવ્યો હતો.
