કાર પંચર થતા કાર ચાલકે સ્ટિઅરીંગ પરનો કાબુ ગુમાવતા અકસ્માત
વડોદરા શહેરમાં વારંવાર અકસ્માતના બનાવો બની રહ્યા છે ત્યારે આજે સવારે ચકલી સર્કલ વિસ્તારમાં આવો જ એક બનાવ બન્યો, પુરપાટ ઝડપે આવેલી કારે પાંચથી છ વાહનોને અડફેટે લેતાં કારને નુકસાન થયું હતું. અને સાથે સાથે બીજા વાહન ચાલકોને ઇજાઓ પહોંચી હતી જેને 108 એમ્યુલન્સ મારફતે હોસ્પિટલ લઇ જવાયા હતા.
ચકલી સર્કલ પાસે બ્રિજ ઉતરતી વખતે સિગ્નલ હોવાથી વાહનો રોકાયા હતા. તે દરમિયાન પૂર ઝડપે ધસી આવેલી લાલ રંગની કારે એક કારને પાછળથી અથાડી દેતાં એક પછી એક ત્રણ કાર ભટકાઈ હતી. સાથે સાથે બે થી ત્રણ સ્કૂટરોને પણ નુકસાન થયું હતું. જેમાં એક ઇજાગ્રસ્તને 108 એમ્યુલન્સ મારફતે હોસ્પિટલમાં પણ લઈ જવામાં આવ્યા હતા. બનાવને પગલે ટ્રાફિક જામ સર્જાયો હતો . ઘટનાની જાણ થતાં પોલીસે ઘટના સ્થળ પર પહોંચી જઈ આગળની કાર્યવાહી હાથ ધરી હતી અને પોલીસ દ્વારા વાહન વ્યવહાર પણ હળવો કરવામાં આવ્યો હતો. મળતી વિગત અનુસાર અકસ્માત કરનારની કાર પંચર થતા કાર ચાલકે સ્ટિઅરીંગ પરનો કાબુ ગુમાવતા અકસ્માત થયો હતો.
