વડોદરા જિલ્લાના વિવિધ તાલુકાઓમાં પણ દિવસ દરમિયાન વાદળછાયું વાતાવરણ જોવા મળ્યું
(પ્રતિનિધિ) વડોદરા તા.01
બંગાળની ખાડીમાં નવું લો પ્રેશર સિસ્ટમ તથા રાજ્યમાં વરસાદી ત્રણ સક્રિય સિસ્ટમ ને કારણે સાર્વત્રિક વરસાદ વરસી રહ્યો છે ત્યારે હવામાન વિભાગ દ્વારા આગામી તા 06 સપ્ટેમ્બર સુધી રાજ્યમાં મધ્યમ થી ભારે વરસાદની આગાહી કરવામાં આવી છે ત્યારે મધ્ય ગુજરાતના વડોદરા શહેર અને જિલ્લામાં તથા તાલુકાઓમાં સોમવારે દિવસ દરમિયાન વાદળછાયું વાતાવરણ જોવા મળ્યું હતું સાથે જ મહત્તમ તાપમાન 31.4 ડિગ્રી સેલ્સિયસ નોંધાયું હતું.
એક તરફ બંગાળની ખાડીમાં નવું લો પ્રેશર સિસ્ટમ સર્જાયું છે જ્યારે બીજી તરફ ગુજરાત રાજ્યમાં ત્રણ વરસાદી સિસ્ટમ સક્રિય બનેલ હોય છેલ્લા કેટલાક દિવસોથી સાર્વત્રિક વરસાદ વરસી રહ્યો છે જેના કારણે હવામાન વિભાગ દ્વારા આગામી તા 06 સપ્ટેમ્બર સુધી રાજ્યમાં મધ્યમ થી ભારે વરસાદની આગાહી કરી છે જેમાં ખાસ કરીને દક્ષિણ ગુજરાત અને સૌરાષ્ટ્રના ભાગોમાં તા. 03 થી 06 સપ્ટેમ્બર દરમિયાન ભારેથી અતિભારે વરસાદની આગાહી કરી છે સાથે જ પવનની ગતિ પ્રતિ કલાક 40 થી 45 કિલોમીટર રહેવાની સંભાવના ને પગલે માછીમારોને દરિયો ન ખેડવા માટે સૂચના આપવામાં આવી છે. જ્યારે મધ્ય અને પૂર્વ ગુજરાતમાં હળવાથી મધ્યમ વરસાદની વકી છે ત્યારે સોમવારે વડોદરા શહેર તથા જિલ્લાના વિવિધ તાલુકાઓમાં દિવસ દરમિયાન વાદળછાયું વાતાવરણ જોવા મળ્યું હતું સાથે જ મેઘ વિરામ રહ્યો હતો.
શહેરના જળાશયોની જળસપાટી સાંજે 7 વાગ્યા સુધીમાં (ફૂટમાં)
આજવા સરોવર 212.41 ફૂટ
પ્રતાપપુરા સરોવર 225.22 ફૂટ
વિશ્વામિત્રી નદીની વિવિધ સ્થળોની જળસપાટી સાંજે 7 વાગ્યા સુધીમાં (ફૂટમાં)
અકોટા બ્રિજ 15.23 ફૂટ
બહુચરાજી બ્રિજ. 1.48 ફૂટ
કાલાઘોડા બ્રિજ 12.00 ફૂટ
મંગલ પાંડે બ્રિજ 13.43 ફૂટ
મુજમહુડા બ્રિજ 13.73 ફૂટ
સમા -હરણી બ્રિજ 14.23 ફૂટ
વડસર બ્રિજ 12.03 ફૂટ
