Vadodara

રાજમહેલ રોડ પર પિક અવર્સ દરમિયાન યુવકો વચ્ચે મારામારી, ટ્રાફિક જામની પરિસ્થિતિ સર્જાઈ

શહેરમાં જાહેરમાં મારામારીની ઘટનાઓ વધી : કાયદાનો ભય ખતમ ?




વડોદરા શહેરમાં જાહેરમાં મારામારી અને લોખંડી તત્વો દ્વારા ઉશ્કેરાટની ઘટનાઓ સતત વધી રહી છે. તાજેતરમાં રાજમહેલ રોડ પર બે વાહન ચાલકો વચ્ચે ટર્ન લેવાની સામાન્ય બાબતને લઈને બોલાચાલી થઈ, જે અચાનક જ છુટ્ટા હાથની મારામારીમાં ફેરવાઈ ગઈ. વિશેષ વાત એ છે કે આ સમગ્ર ઘટનાક્રમ ટ્રાફિક પોલીસની હાજરીમાં જ બન્યો, અને એક મહિલા પોલીસ કર્મી વચ્ચે પડ્યા છતાં આરોપીઓ ઝઘડો ચાલુ રાખતા નજરે પડ્યા હતા.



મળતી માહિતી અનુસાર, બે શખ્સો વચ્ચે ટ્રાફિક નિયમન સમયે સામાન્ય બોલાચાલી શરૂ થઈ હતી, જે બાદ ગુસ્સે ભરાયેલા ત્રણ યુવકોની ટોળકી એકબીજાની સાથે જાહેરમાં જ મારામારી કરવા લાગી. ગંભીર વાત એ છે કે પિક અવર્સ દરમિયાન થતી આ મારામારીના કારણે રોડ પર ટ્રાફિક જામની સ્થિતિ પણ સર્જાઈ હતી. આ ઘટનાની ગંભીર બાબત એ છે કે પોલીસે તુરંત કોઈ નક્કર પગલાં લીધા નહીં. એક મહિલા પોલીસ કર્મી ઝઘડો છૂટાવવાનો પ્રયાસ કરી રહ્યા હતા, પણ લુખ્ખા તત્વોએ કોઈ ભય રાખ્યા વગર હિંસા ચાલુ જ રાખી હતી.



અગાઉ ગોત્રી અને મકરપુરા વિસ્તારમાં પણ આવા જ બનાવો બન્યા છે, જેમાં લોખંડી તત્વોએ જાહેરમાં મારામારી અને હિંસક હરકતોથી નાગરિકોને પરેશાન કર્યા છે. વડોદરામાં આવા બનાવોની સંખ્યા વધી રહી છે, અને જો પોલીસ દ્વારા સમયસર કડક કાર્યવાહી નહીં કરવામાં આવે તો આવનારા દિવસોમાં આવા લોખંડી તત્વો વધુ બેફામ થઈ શકે છે. જો જાહેરમાં પોલીસની હાજરીમાં જ મારામારી થાય અને કોઈ દંડિત ન થાય, તો સામાન્ય નાગરિકોની સુરક્ષા માટે પ્રશ્નો ઊભા થાય.

આવી ઘટનાઓને રોકવા માટે પોલીસ અને પ્રશાસન દ્વારા તાત્કાલિક અને ઉગ્ર પગલાં ભરવા જરૂરી છે. નહીં તો આવા લોખંડી તત્વો શહેરમાં ભય અને અશાંતિ ફેલાવતા રહેશે, અને કાયદો માત્ર કાગળ પર જ સીમિત બની રહી જશે.

Most Popular

To Top