ડોર ટુ ડોર કચરો ઉપાડતી ગાડીઓની 2 કિલોમીટર લાંબી કતાર, ટ્રાફિકમાં 3 કલાક ફસાયા ડ્રાઈવરો
વડોદરા પાલિકા દ્વારા નવી ગાડીઓ વધારવામાં આવી, પરંતુ યોગ્ય આયોજનની ગેરહાજરીથી સુએજ સ્ટોર પાસે ઊભી થયેલી સમસ્યા
વડોદરા: વડોદરાના મુજમહુડા વિસ્તારમાં ડોર ટુ ડોર ગાર્બેજ કલેક્શનની નવી વ્યવસ્થાથી સૂએજ સ્ટોર પાસે બહુજ લાંબી કતાર લાગી છે. આજકાલ કચરો ઉપાડવા માટે વાહનોની સંખ્યા વધારાયાની બાબતે 1.5 થી 2 કિલોમીટર સુધી લાંબી કતાર લાગી રહી છે અને ગાડીઓ 3 કલાક સુધી ટ્રાફિકમાં ફસાયેલી હોય છે, જેના કારણે ડ્રાઇવરોને ગાડી ચાલાવવામાં ફેરા પૂરાં કરવામાં તકલીફ પડી રહી છે.
પાલિકા દ્વારા 166 GPSથી સજ્જ નવી ડોર ટુ ડોર ગાડીઓ મૂકવામાં આવી છે. જેથી શહેરની સ્વચ્છતા વધુ અસરકારક બની શકે. જોકે, આ ગાડીઓમાં વધારો છતાં યોગ્ય આયોજન ન થવાને કારણે કચરો ઉપાડતી ગાડીઓ કચરો ઠાલવવા માટેની કતાર લાગતી રહે છે. જોકે, ડોર ટુ ડોર વ્યવસ્થા શહેર માટે મહત્વપૂર્ણ છે, પરંતુ ડ્રાઈવરોએ જણાવ્યું છે કે રોજના ફેરાઓ પૂરા ન થતાં અને સુપરવાઇઝરની વ્યવસ્થાના અભાવને કારણે કામકાજમાં અવરોધ સર્જાય છે. તેમને પાલિકા તંત્રને આ પરિસ્થિતિ સુધારવાની વિનંતી કરી છે.
આ તકલીફોને ધ્યાનમાં લઇ પાલિકા તંત્રે ગાડીઓની સંખ્યા વધારવાની સાથે સાથે સેવા વ્યવસ્થામાં સુધારો કરવા અને સફાઈ કામગીરીમાં સુપરવાઇઝરોની નિમણૂક કરવાથી કામગીરી વધુ સુઘડ અને અસરકારક બને તેવી અપેક્ષા છે. એવા પગલાં લેવામાં આવે તો મુજમહુડા સહિતના વિસ્તારોમાં કચરાના સંચાલનમાં તકલીફો ઓછી થશે અને શહેર વધુ સફાઈ કરતું બનશે.
