શહેરના માંજલપુર વિસ્તારમાં આવેલ શ્રેયા સ્કૂલ સામે કુબેર સાગર તળાવ પાસે પાર્ક કરેલી કારમાં અચાનક આગ લાગતા સ્થાનિકોમાં દોડધામ મચી હતી.
માંજલપુર શ્રેયસ વિદ્યાલય સામે આવેલ કુબેર સાગર તળાવ પાસે પાર્ક કરેલી ફોરવીલર કારમાં અચાનક આગ લાગી હતી. જે અંગે ફાયર બ્રિગેડને જાણ કરવામાં આવતા દાંડિયા બજાર ફાયર બ્રિગેડ ટીમ ઘટના સ્થળે પહોંચી હતી. અને પાણીનો મારો ચલાવી આગને કાબુમાં લીધી હતી.
મળતી માહિતી મુજબ કાર cng સંચાલીત હતી. પરંતુ આગ કયા કારણોસર લાગી હતી તેનું કારણ જાણવા તપાસ શરૂ કરી દેવામાં આવી હતી.
જેની ગાડીમાં આગ લાગી હતી તેઓએ વધુમાં જણાવતા કહ્યું હતું કે હુ મારી કાર પાર્કિંગ કરી અમારા સંબંધીને ત્યાં મરણ થયું હોવાથી ત્યાં ગયો હતો અને ગાડી રસ્તાની સામે પાર્ક કરી ગયો હતો. પરંતુ થોડીક વારમાં મને ફોન આવ્યો કે તમારી ગાડીમાં આગ લાગી છે.જેના કારણે હું અહીં આવ્યો ત્યારે મારી ગાડીમાં આગ લાગી ચૂકી હતી. મારી ગાડી સીએનજી કંપની ફિટેડ છે અને હાલ ફાયર બ્રિગેડે આગ પર કાબૂ મેળવેલ છે. મારી ગાડીની બાજુમાં પાર્ક કરેલી ગાડીમાં પણ આગ લાગી હતી. અને બન્ને ગાડીને આગના કારણે નુકશાન થયુ હતું. આગ કેવીરીતે લાગી તે તપાસનો વિષય છે.
