મંદસૌર જિલ્લાના બાલગુડા ગામમાં, સાબરકાંઠા જિલ્લા સહકારી દૂધ ઉત્પાદન સહકારી સંઘ લિમિટેડ દ્વારા સંચાલિત મંદસૌર દૂધ ચિલિંગ સ્ટેશને અમૂલના સ્થાપક ડૉ. વર્ગીસ કુરિયનના જન્મદિન પર મિલ્કડે ની ભવ્ય ઉજવણી કરવામાં આવી હતી.
સાબરકાંઠા જિલ્લા સહકારી દૂધ ઉત્પાદન સહકારી સંઘ લિમિટેડના ચેરમેન અને ગુજરાત કો ઑપરેટિવ મિલ્ક માર્કેટિંગ ફેડરેશનના પૂર્વ ચેરમેન શામળભાઈ પટેલ, સાબર ડેરીના મેનેજિંગ ડિરેક્ટર સુભાષ ભાઈ પટેલ અને મધ્યપ્રદેશ રાજ્ય ના સાબરડેરીના વિભાગીય અધિકારી ડૉ. ડી.ડી. પટેલના નિર્દેશન મુજબ આ મિલ્ક ડે કાર્યક્રમનું આયોજન કરવામાં આવ્યું હતું, ડૉ. વર્ગીસ કુરિયનના જન્મદિવસ પર ખાસ દૂધ દિવસ(મિલ્ક ડે )ઉજવવામાં આવે છે.
૧૬ ડિસેમ્બર, ૧૯૪૬ના રોજ, ત્રિભુવનદાસ પટેલે આણંદમાં સહકારી અમૂલ ડેરીની સ્થાપના કરી, જેની શરૂઆત દરરોજ ૨૪૭ લિટર દૂધથી થઈ હતી. ૧૯૫૦માં, ડૉ. વર્ગીસ કુરિયનને સંચાલન સોંપવામાં આવ્યું. ત્યારથી, અમૂલના અસ્તિત્વના ૮૦ વર્ષોમાં, અમૂલ ઉત્પાદનો અને દૂધ વિશ્વભરના દરેક ઘર સુધી પહોંચાડવામાં આવી રહ્યું છે.
ડૉ. વર્ગીસ કુરિયનનો જન્મદિવસ: 26 નવેમ્બર 1921 થી સમગ્ર વિશ્વમાં દૂધ દિવસ ઉજવવામાં આવે છે. તે અંતર્ગત, હિંમતનગર સ્થિત સાબરકાંઠા જિલ્લા સહકારી દૂધ ઉત્પાદન સંઘ લિમિટેડ દ્વારા સંચાલિત મધ્યપ્રદેશના મંદસૌર દૂધ શીતકેન્દ્ર સેન્ટર દ્વારા મંદસૌર જિલ્લાના બાલગુડા ગામમાં પ્રથમ વખત દૂધ દિવસ (મિલ્ક ડે )ઉત્સવ ઉજવવામાં આવ્યો. બાલાગુડા દૂધ સમિતિના અધ્યક્ષ દશરથ પાટીદારના અધ્યક્ષ સ્થાને, મંદસૌર દૂધ ચિલિંગ સેન્ટરના ઈનચાર્જ મહેન્દ્ર પ્રસાદ અને ઘનશ્યામ પાટીદાર અને દૂધ સમિતિના સંચાલકો અને આસપાસના વિસ્તારોના મોટી સંખ્યામાં પશુપાલકો હાજર રહ્યા હતા. આ કાર્યક્રમની ઉજવણી શાનદાર રીતે કરવામાં આવી હતી. કાર્યક્રમની શરૂઆતમાં, ડૉ. વર્ગીસ કુરિયનની પ્રતિમાને માળા અર્પણ કરવામાં આવી હતી અને કાર્યક્રમનું સંચાલન ઘનશ્યામ પાટીદાર દ્વારા કરવામાં આવ્યું હતું. મંદસૌર દૂધ ચિલિંગ સેન્ટરના ઈનચાર્જ મહેન્દ્ર પ્રસાદે અમૂલ અને ડૉ. વર્ગીસ કુરિયન વિશે વિગતવાર માહિતી આપી હતી. આ સાથે તેમણે ગીર ગાયના દૂધ, ગૌમૂત્ર અને ગાયના છાણના ફાયદાઓ વિશે જણાવ્યું અને દરેકને દૂધનો વ્યવસાય વધારવા માટે આગ્રહ કર્યો અને દરેકને ઘરે ગીર ગાય રાખવા કહ્યું. કાર્યક્રમમાં શીતકેન્દ્ર ના સ્ટાફ રૌનક પટેલ હાજર રહ્યા હતા. દૂધ સમિતિના તીર્થ પટેલ, પવન પાટીદાર, વિજય પાટીદાર, લક્ષ્મણસિંહ ગૌર, પવન સેન અને મોટી સંખ્યામાં અન્ય લોકો હાજર રહ્યા હતા અને કાર્યક્રમને સફળ બનાવ્યો હતો.
