બોડેલી સામુહિક આરોગ્ય કેન્દ્ર ખાતે લઇ જવાયો, જ્યાં રસી ના મળતા વડોદરા રીફર કરાયો
બોડેલી તેમજ અલીપુરા વિસ્તારમા રખડતા શ્વાનનો આતંક વધ્યો છે. એક યુવકને બચકા ભરતા બોડેલી સામુહિક આરોગ્ય કેન્દ્ર ખાતે લઇ જવાયો હતો. જ્યાં રસી ના મળતા વડોદરા રીફર કરાયો હતો.
છોટાઉદેપુર જિલ્લાના બોડેલી તેમજ અલીપુરા વિસ્તારમાં રખડતાં શ્વાનનો આતંક વધ્યો છે. ગઈકાલે સાંજે બોડેલીના કુબેરનગરના બે વ્યક્તિને શ્વાને બચકા ભર્યા હતા. સાધના નગર તરફ થઇ પોતાના ઘરે જમવા આવતા એક યુવકને શ્વાને પગના ભાગે તેમ જ હાથના ભાગે બચકા ભરી લેતા યુવકને ગંભીર ઇજાઓ પહોંચી હતી.
યુવકને ગંભીર ઇજાઓ પહોંચતા તેને બોડેલીના સામૂહિક આરોગ્ય કેન્દ્ર ખાતે લઈ જવાતા ત્યાં તાત્કાલિક સારવાર આપી અને શ્વાન બચકા ભરતા જે રસી મુકવામાં આવે છે. તે રસી ના હોવાથી તેને વડોદરા એસ.એસ.સી હોસ્પિટલ ખાતે રિફર કર્યો હતો
મહત્વની વાત એ છે કે બોડેલી પંથક ખૂબ મોટો વિસ્તાર છે
ત્યારે બોડેલીના સમય આરોગ્ય કેન્દ્ર ખાતે સ્વાન બચકા ભરતા તેની રસી ના હોવાને કારણે દર્દીને છેક વડોદરા સુધી સારવાર લેવા જવું પડતું હોય છે તેને લઇ બોડેલી સમુહ આરોગ્ય કેન્દ્ર ખાતે શ્વાન તેમજ પશુ કરડે તો તેની રસી ના મળતી હોવાની બુમ ઉઠી છે અને લોકોમાં ભારે રોષ જોવા મળી રહ્યો છે
