વડોદરા બરોડા રોડ ટ્રાન્સપોર્ટ એસોસિએશન હાલમાં આંતરિક વિખવાદને કારણે ચર્ચામાં આવ્યું છે. મળતી માહિતી મુજબ એસોસિએશનના કેટલાક સભ્યોએ દાવો કર્યો છે કે જૂના સભ્યોને આવનારી ચૂંટણીમાં ભાગ લેવા ન દેવાનો તથા મતદાનમાંથી દૂર રાખવાનો પ્રયાસ કરવામાં આવ્યો છે. આ મુદ્દાને કારણે સભ્યોમાં મતભેદ સર્જાયો છે અને એસોસિએશનની કામગીરી નિયમિત રીતે આગળ વધી રહી નથી.
એસોસિએશનના પ્રમુખે જણાવ્યું હતું કે આંતરિક વિખવાદને કારણે એસોસિએશનની દૈનિક કામગીરીમાં અવરોધ ઉભા થયા છે. સાથે જ તેમણે સ્પષ્ટ કર્યું હતું કે પરિસ્થિતિને સંતુલિત બનાવવા તથા સભ્યો વચ્ચે સમાધાન લાવવા પ્રયાસો શરૂ કરવામાં આવ્યા છે.
આંતરિક તણાવના કારણે બરોડા રોડ ટ્રાન્સપોર્ટ એસોસિએશનના આગલા આયોજન તેમજ મહત્વપૂર્ણ નિર્ણયોમાં વિલંબ થતાં સભ્યોમાં અસંતોષનો માહોલ જોવા મળી રહ્યો છે.
