દાહોદ: પાંચ વર્ષ જૂના પ્રેમ પ્રકરણની ગૂંજમાં દાહોદના સંજેલી તાલુકાના ભાણપુર જંગલમાં થયેલી કૃતિકા બંરડાની હત્યાના કેસમાં આખરે કાયદાનો કડક હાથ વરસ્યો છે. દાહોદ સેશન્સ કોર્ટે આરોપી મેહુલ હીમચંદભાઈ પરમારને આજીવન કેદ તથા ₹1 લાખના દંડની સજા ફટકારી છે. આ રકમ કૃતિકાના માતા-પિતાને આપવાનો હુકમ પણ કોર્ટએ આપ્યો છે.
વર્ષ 2021માં માત્ર 19 વર્ષની કૃતિકા બંરડાનું શબ ભાણપુરના જંગલ વિસ્તારમાંથી મળ્યું હતું. તપાસમાં બહાર આવ્યું હતું કે પ્રેમ સંબંધોમાં તણાવ બાદ મેહુલ પરમારે કૃતિકાની નિર્દયતાથી હત્યા કરી હતી. આ ઘટના બાદ આખા વિસ્તારમાં ચકચાર મચી હતી.
દાહોદ પોલીસની સતત તપાસ અને સાબિતી એકત્ર કરવાની મહેનત બાદ ન્યાયાલયે આજે ન્યાયનો મોરચો જીતાવ્યો છે. કોર્ટનો આ ચુકાદો સમાજમાં સ્ત્રીઓ પર થતા અપરાધો સામે કડક સંદેશ આપે છે કે કોઈ ગુનેગાર છૂટકારો નહીં મેળવે.
કૃતિકાને ન્યાય મળ્યો છે — અને આ ચુકાદો ન્યાયપ્રણાલી પર વિશ્વાસ વધુ મજબૂત બનાવે છે.
