ગૌપાલકના બે જૂથ વચ્ચે પણ હાથાપાઈ થઈ, પોલીસે મામલો સંભાળ્યો
વડોદરા શહેરના ભાંડવાડા વિસ્તારમાં ગાયો પકડવા ગયેલી પાલિકાની ટીમ સાથે ગૌ પાલકની રકઝ ક થઈ હતી. સાથે ગૌપાલકના બે જૂથ વચ્ચે પણ ઝપાઝપી પણ થઈ હતી. રખડતા ઢોર પકડતી પાલિકાની ટીમને ફરિયાદ મળી હતી કે આ વિસ્તારમાં રોડ ઉપર ગાયો બાંધવામાં આવે છે તે જોખમકારક છે.
પાલિકાની ટીમ આજે આ વિસ્તારમાં ગાયો પકડવા ગઈ હતી ત્યાં પાલિકાની ટીમ સાથે ગૌપાલકોની બોલાચાલી થઈ હતી. ત્યારે ગૌ પાલકોના બે જૂથ વચ્ચે ઝપાઝપી પણ થતાં મામલો બિચકયો હતો. પાલિકાની ટીમ સામે જ બે ગૌપાલક ના બે જૂથ વચ્ચે મારામારી થઈ હતી. જોકે સ્થળ પર હાજર પોલીસે મામલો થાળે પાડ્યો હતો. આ દરમિયાન પાલિકાની ટીમને ખાનગી જગ્યામાં બાંધેલી બે ગાયો છોડી મૂકવાની ફરજ પડી હતી.
