ડભોઇ : ડભોઇ પાલિકા દ્વારા ડભોઇ સ્ટેચ્યુ ઓફ યુનિટી ને જોડતા મુખ્ય માર્ગ પર દિવાળી ના 5 દિવસ ભેગા થવા પર તેમજ દારૂખાનું ફોડવા પર પ્રતિબંધ ફરમાંવતા જાહેરનામું પ્રસિદ્ધ કરવામાં આવ્યું છે.
૩૧મી ઓકટોમ્બર સરદાર પટેલ જન્મ જયંતી ‘ રાષ્ટ્રીય એકતા દિવસ’ ની ઉજવણી નિમિતે ભારત ના વડાપ્રધાન નરેન્દ્રભાઈ મોદી ની ઉપસ્થિતિમાં ‘રાષ્ટ્રીય એકતા દિવસ ” ની ઉજવણી એકતા નગર (કેવડીયા) ખાતે થનાર છે. જેમાં વીવીઆઈપી તથા મહાનુભાવો ઉપસ્થિત રહેનાર છે. આ તમામ મહાનુભાવો રોડ માર્ગે ડભોઈ થી સ્ટેચ્યુ ઓફ યુનિટી રોડથી પસાર થનાર હોય રોડની સંપૂર્ણ સફાઈ ડભોઈ નગરપાલિકા ધ્વારા કરવામાં આવેલ છે. જેથી હાલના દિવાળીના તહેવાર નિમિતે તારીખ ૨૯/૧૦/૨૦૨૪ થી તારીખ ૨/૧૧/૨૦૨૪ સુધીના સમયગાળા દરમ્યાન ડભોઈ થી સ્ટેચ્યુ ઓફ યુનિટીના મુખ્ય માર્ગ ઉપર કોઈપણ જાતના ફટાકડા ફોડવા ઉપર સંપૂર્ણ પ્રતિબંધ મુકવામાં આવ્યો છે. સાથે જ સ્ટેચ્યુ ઓફ યુનિટીના મુખ્ય માર્ગ ઉપર કોઈપણ વ્યકિતઓએ ભેગા થવુ નહી તેવું જાહેરનામું નગરપાલિકા દ્વારા પ્રસિદ્ધ કરવામાં આવ્યું છે.
