ન્યાયમંદિર પાસે વધુ એક માર્ગ દુર્ઘટના, સાઇકલસવારનું ઘટના સ્થળે કરુણ મોત
વડોદરા: વડોદરા શહેરમાં ટ્રાફિકની અવ્યવસ્થાના કારણે રસ્તા અકસ્માતોની સંખ્યા સતત વધી રહી છે. આજે ન્યાયમંદિર વિસ્તારમાં વધુ એક દુઃખદ ઘટના સામે આવી છે, જેમાં એક કાર ચાલકે બેફામ ઝડપે ચાલી રહેલી કાર દ્વારા ટિફિનની ડિલિવરી કરવા જતા સાઇકલસવારને અડફેટે લેતા તેમનું મોત થયું હતું. ટિફિન પણ રસ્તા પર રઝળતા પડી રહ્યા હતા.
ટક્કર એટલી ગંભીર હતી કે સાઇકલસવારનું ઘટનાસ્થળે જ મોત થયું હતું. અકસ્માત બાદ આસપાસના લોક ટોળા એકત્ર થયા હતા. તરત જ પોલીસ અને 108 એમ્બ્યુલન્સને જાણ કરવામાં આવી હતી.
હાલમાં પોલીસે ડ્રાઈવરને પકડી પાડ્યો છે. અને વધુ તપાસ શરૂ કરી છે. મૃતકની ઓળખ માટે કાર્યવાહી ચાલી રહી છે. શહેરમાં વધી રહેલા આવા અકસ્માતો સામે તંત્રે તાત્કાલિક પગલાં ભરવાની જરૂરિયાત ઊભી થઈ છે.
