ગુજરાત મિત્ર ન્યુઝ ઝાલોદ
ઝાલોદથી બાસવાડા નેશનલ હાઇવે ઉપર ધાવડીયા ચેકપોસ્ટ રોડ ઉપર મોટા ખાડાઓ પડી જતા પોલીસે દ્વારા ખાડાઓ પુરી માનવતા ભર્યું ઉદાહરણ પૂરું પાડ્યું હતું.
સંલગ્ન જવાબદારોએ ખાડા પુરવાની કામગીરી નહીં નિભાવતાં સત્વરે ઝાલોદ પોલીસ દ્વારા ખાડાઓ પુરવાની કામગીરી હાથ ધરવામા આવી હતી. રાહદારીઓ અને વાહન ચાલકોએ પોલીસની કામગીરીને બિરદાવી હતી.
ઝાલોદથી બાસવાડા નેશનલ હાઇવે ઉપર ધાવડીયા ચેકપોસ્ટ રોડ ઉપર પોલીસે ખાડાઓ પૂર્યા હતા.
ઝાલોદથી બિસ્માર હાલત થતાં અવારનવાર અકસ્માતો થતા હોય છે. ત્યારે માર્ગ ઉપર પડેલા ખાડાઓ પુરવાની કામગીરી સંલગ્ન જવાબદારોએ નહીં નિભાવતાં આખરે ઝાલોદ પોલીસ દ્વારા વાહન અકસ્માત તથા જાનહાની થતી અટકાવવા સારું સામાજિક ભાવના સાથે ખાડા પૂરવાની કામગીરી કરવામાં આવી છે. ઝાલોદ પોલીસ દ્વારા ખાડા પુરવામાં આવતાં રાહદારીઓ અને વાહન ચાલકોએ પોલીસની કામગીરીને બિરદાવી સાથે અભિનંદન પાઠવ્યા હતા. ઉલ્લેખનીય છે કે છેલ્લા કેટલાક દિવસોથી માર્ગ ઉપર પડેલા મોટા ખાડાઓને લઈ અહીં વાહન ચાલકોને મુશ્કેલીનો સામનો કરવો પડતો હોય છે ઉપરાંત અવારનવાર અકસ્માતો થતા હોય છે જે બાબતને ગંભીરતા પૂર્વક લઈ દાહોદ જીલ્લા પોલીસ અધિક્ષક રવિરાજસિંહ જાડેજાની સુચના અને માર્ગદર્શન હેઠળ ઝાલોદ ડિવિઝનનાં નાયબ પોલીસ અધિક્ષક ડી આર પટેલ દ્વારા પીઆઇ આર જે ગામીત અને પીએસઆઇ આર વી રાઠોડ દ્વારા ધાવડીયા ચેકપોસ્ટ માર્ગ ઉપર પડેલા ખાડાઓ પૂરવાની કામગીરીનો પ્રારંભ કરાવવામાં આવ્યો છે. આ બિસ્માર માર્ગના કારણે આજ દિન સુધીમાં કેટલાય દ્વિચક્રી વાહન ચાલકો ખાડામાં પટકાવવાની ઘટનાઓ પણ બની ચૂકી છે. વધુમાં ઝાલોદ થ બાસવાડા નેશનલ હાઇવે હોવાથી મોટા વાહનોની અવરજવર રહેતી હોય છે તેવામાં રોડ ઉપર મોટા ખાડાના કારણે અકસ્માતો થતા હોય છે જેથી પોલીસ દ્વારા ટ્રેકટરોમાંજ વેસ્ટ મટીરીયલ ભરી લાવ્યા બાદ પોલીસ અધિકારીઓ અને પોલીસ જવાનોએ અહીં માર્ગ ઉપર પડેલા ખાડા પૂરવાની શરૂઆત કરતાં જ અહીંથી પસાર થતાં રાહદારીઓને વાહન ચાલકોએ પોલીસની કામગીરીને બિરદાવી હતી અને ખૂબ ખૂબ અભિનંદન પાઠવ્યા હતા.
