હાલોલ: છ મહિના પહેલા જ લગ્ન કરનાર યુવતીએ નર્મદા મુખ્ય કેનાલમાં ઝંપલાવી આપઘાત કરી લેતા અરેરાટી વ્યાપી ગઈ છે.
હાલોલ તાલુકાના વાંસેતી ગામે સાસરીમાં રહેતી પરિણિતા ત્રણ દિવસ પહેલા પિયરમાં જાઉં છું કહીને નીકળી હતી. પિયરમાં પહોંચી ન હોવાથી તેની તપાસ કરતા પરિણીતાના ચંપલ રમેશરા નજીક થી પસાર થતી નર્મદાની મુખ્ય કેનાલ પાસેથી મળતા કેનાલમાં તપાસ કરતા ત્રીજા દિવસે મૃત હાલતમાં લાશ મળી આવતા ચકચાર મચી જવા પામી હતી. બનાવ સંદર્ભે પરિણીતાના પિતાએ હાલોલ ગ્રામ્ય પોલીસ મથકે નોંધાવેલી ફરિયાદના આધારે પોલીસે હાલ અકસ્માત મોતનો ગુનો નોંધી પરણિતા ના મૃત દેહ ને હાલોલ સબ ડીસ્ટ્રીકટ હોસ્પિટલ ખાતે પીએમ કરાવી તપાસ હાથ ધરી હોવાનું જાણવા મળી આવ્યું છે.
મળતી માહિતી મુજબ હાલોલ તાલુકાના ગજાપુરા ગામના સુનિલભાઈ ઇન્દ્રજીતભાઈ પરમારની દીકરી ગાયત્રીબેનના લગ્ન આથી છ માસ પહેલા હાલોલ તાલુકાના વાંસેતી ગામે રહેતા અક્ષયકુમાર સુરેશભાઈ પરમાર સાથે કાર્ટ હતા. જેમાં 16મી નવેમ્બરના રોજ ગાયત્રીના પતિ અક્ષય કુમાર સુનિલભાઈ ના સાંજના સમયે ઘરે ગજાપુરા આવ્યા હતા. ને સુનિલભાઈ પૂછ્યું હતું કે ગાયત્રી બાર વાગ્યાના સમય ગાળામાં વાસેતી થી ગજાપુરા આવવા નીકળી હતી તે અહીં આવી છે ? તો તે અહીં આવી ન હોવાથી પરણિતા ગાયત્રીના પરિવારજનો ચિંતામાં મુકાઈ ગયા હતા અને તેની શોધખોળ આદરી હતી. દરમ્યાન રમેશરા નજીકથી પસાર થતી નર્મદા કેનાલ પાસે કોઈએ કોઈ ને કેનાલમાં કુદતા જોયા હોવાનું જણાવતા તેની શોધખોળ કરતા નજીકથી ચંપલ મળી આવ્યા હતા અને 18 મી નવેમ્બરના રોજ હનુમાનિયા ગામ પાસે નર્મદા કેનાલની ધાર પર કોઈ ની લાશ દેખા દેતા ગામ લોકોએ તેને બહાર કાઢતા બીજું કોઈ નહિ પણ ગાયત્રીની હતી. જેથી તેને હાલોલ હાલોલ સબ ડીસ્ટ્રીક હોસ્પિટલ ખાતે લેવામાં આવી હતી. બનાવ ની જાણ હાલોલ ગ્રામ્ય પોલીસ ને કરતા પોલીસે ઘટના સ્થળે અને હોસ્પીટલ દોડી આવી હતી. પરિણીતાના પિતાએ આપેલી ફરિયાદના આધારે પ્રાથમિક તપાસ બાદ હાલ અકસ્માત મોત નો ગુનો નોંધી પરણિતાના મૃતદેહ ને હાલોલ સબ ડીસ્ટ્રીક હોસ્પિટલ ખાતે પીએમ કરાવી તેમના પરિવાર ને સોંપ્યો હતો.
જાણવા મળેલી માહિતી મુજબ અક્ષય અને ગાયત્રી સ્કૂલમાં સાથે ભણતા હતા. અભ્યાસ બાદ અક્ષય ખાનગી કંપનીમાં નોકરી કરતો હતો. છ માસ પહેલા જ એક બીજાની પસંદગી થી તેઓના લગ્ન કરવામાં આવ્યા હતા. તેમ છતાં લગ્નજીવનના ટૂંકા ગાળામાં જ ગાયત્રી એ એવું કેમ કર્યું હશે તેવા અનેકે પ્રશ્નો ઉભા થયા છે.
