સિંદુર, સીતાફળ, સાગ, આમળા,દેશી બાવળ, વાસ, ગોરસ આંબલી અને ગરમાળો, જેવી જાતોના અંદાજિત 500 કિલો બીજ ડ્રોનથી છાંટવામાં આવ્યા
હાલોલ:
યાત્રાધામ પાવાગઢમાં ‘ગ્રીન પાવાગઢ’ પ્રોજેક્ટ અંતર્ગત ડ્રોન દ્વારા બીજ વાવેતરનો પ્રોગ્રામ થયો હતો.
પાવાગઢ પર્વતમાળામાં પર્યાવરણ અભિયાન અંતર્ગત ‘ગ્રીન પાવાગઢ’ પ્રોજેક્ટનો ધારાસભ્ય જયદ્રસિંહ પરમારના હસ્તે ડ્રોન દ્વારા બીજ વાવેતર કાર્યનો શુભારંભ કરવામાં આવ્યો હતો.માં કાલિકા માતાજીના મંદિર નીચેના નવલખી કોઠાર, ખપ્પર જોગણી અને ભદ્રકાલી માતાના ડુંગર વિસ્તારમાં કુલ અંદાજિત 60 હેક્ટર વિસ્તારમાં વિવિધ જાતના બીજનું વાવેતર કરવામાં આવ્યું.જેમાં સિંદુર, સીતાફળ, સાગ, આમળા,દેશી બાવળ, વાસ, ગોરસ આંબલી અને ગરમાળો, જેવી જાતોના અંદાજિત 500 કિલો બીજ ડ્રોનથી છાંટવામાં આવ્યા છે.
આ પ્રસંગે હાલોલના ધારાસભ્ય સાથે પંચમહાલ સહકારી સંઘના ડિરેક્ટર મયુરધ્વજસિંહ પરમાર, હાલોલ ભાજપા પ્રમુખ પ્રવિણસિંહ, કાલિકા માતાજી મંદિરના ટ્રસ્ટી તેમજ ગોધરા વનવિભાગના વડા DCF ડૉ.પ્રિયંકા ગેહલોત તથા હાલોલ રેન્જના ફોરેસ્ટ ઓફિસર સતીષભાઈ બારીયા હાજર રહ્યા હતા.આ પ્રવૃત્તિનો હેતુ પાવાગઢને હરિયાળો અને સુંદર બનાવવાની સાથે સાથે પર્યાવરણના સંરક્ષણ અને કુદરતી આબોહવા નું વાતાવરણ બનાવવા ની સાથે વડાપ્રધાન પ્રોજેક્ટ એક વૃક્ષ મા કે નામ પણ લક્ષમાં રાખીને વન વિભાગે ડ્રોન દ્વારા બીજ વાવેતરનો પ્રોગ્રામ શરૂ કર્યો છે.
