કાલોલ::કાલોલના અલગ અલગ વિસ્તારમાંથી ચોરી થયેલી ૨ મોટરસાયકલ રીકવર કરી કાલોલ પોલીસે અનડીટેકટ ગુન્હો ડીટેકટ કર્યો છે.
ઉચ્ચ પોલીસ અધિકારીઓ તરફથી મિલ્કત સબંધી ગુન્હાઓ બનતાં અટકાવવા અને બનેલા વણશોધાયેલા મિલ્કત સબંધી ગુન્હાઓ ડીટેક્ટ કરવા સારૂ જરૂરી સુચનાઓ આપવામાં આવી હતી. જે આધારે નાયબ પોલીસ અધિક્ષક, હાલોલ વિભાગના માર્ગદર્શન તથા સુચનાના આધારે પોલીસ ઇન્સ્પેકટર આર.ડી.ભરવાડ સર્વેલન્સ સ્ટાફનાં માણસો સાથે મધવાસ ચોકડી પાસે વાહન ચેકિંગમાં હતા. તે દરમિયાન એક ઈસમ એક વાદળી કાળા કલરની નંબર વગર ની હીરો કંપનીની સ્પ્લેન્ડર મોટર સાયકલ હાલોલથી કાલોલ તરફ લઇ આવતા તેને ઉભો રાખી તેની પાસે જરૂરી ગાડીનાં કાગળો માંગવામા આવ્યા હતા. તેની પાસે ગાડીનાં કાગળો ન હોય અને ગાડી તેમજ ઇસમ શંકાસ્પદ લાગતા ગાડી નાં એન્જીન તેમજ ચેચીસ નંબરને પોકેટ કોપમાં સર્ચ કરતા ગાડી કાલોલ પોલીસ સ્ટેશનનના બી.એન.એસ.કલમ ૩૦૩(૨) મુજબનાં કામે ચોરી થઈ હોવાનું જાણવા મળ્યું હતું. જેથી આ ઇસમ ને કાલોલ પોલીસ સ્ટેશન ખાતે લાવી પૂછપરછ કરતા આજથી એકાદ મહિના અગાઉ જેતપુર ગામની સીમમાંથી લોક તોડી ચોરી લઈ ગયો હોવાની કબુલાત કરી હતી. આરોપી ની સઘન પૂછપરછ કરતા અન્ય બીજી એક મોટર સાયકલ પણ ચોરી કરી બાકરોલ ગામની સીમ માં મુકેલી હોવાની કબુલાત કરી હતી. જે આધારે નીચે ચોરીનો મુદામાલ કબજે કરી વાહન ચોરી નો અનડીટેકટ ગુન્હો ડીટેકટ કરી પકડાયેલા આરોપી વિરુધ્ધમાં કાયદેસરની કાર્યવાહી કરાઈ છે.પકડાયેલ આરોપી નું નામ :-(૧) નરેશભાઈ ઉર્ફે રાહુલ લક્ષ્મણભાઈ પરમાર ઉ.વ.૩૦ ધંધો. મજુરી હાલ રહે.પનોરમાં ચોકડી હાલોલ તા. હાલોલ જી.પંચમહાલ મૂળ રહે.ફરોડ નવાપરા ફળિયું તા. હાલોલ જી.પંચમહાલ
પકડવાના બાકી આરોપી નું નામ :-(૧)મનોજકુમાર ઉર્ફે ચીકો વિક્રમસિંહ ગોહિલ રહે.બાકરોલ બસ સ્ટેન્ડ પાસે તા.કાલોલ જી.પંચમહાલ હોવાનું જાણવા મળે છે.
