કરજણ ટોલટેક્સ પર વારંવાર રૂપિયા કપાવવા અને ભાવ વધારો પાછો ખેંચવા બાબતે આમ આદમી પાર્ટી, વડોદરા શહેર દ્વારા જિલ્લા કલેકટર ને આવેદનપત્ર સાથે રજૂઆત કરવામાં આવી
નેશનલ હાઈવે પર આવેલા કરજણ ખાતેના ટોલટેક્સમાં ઘરખમ વધારો થઈ રહ્યો છે અને ત્યાંથી પસાર થતી દરેક ગાડીમાં પહેલા 24 ક્લાક દરમ્યાન એક વખત રિટર્ન ટોલટેક્સ કપાતો હતો અને હવે જેટલી વખત ગાડી અવરજવર કરે છે એટલી વખત વારે વારે ટોલટેક્સ ફાસ્ટેગમાંથી કપાય છે જેનો આમ આદમી પાર્ટી, વડોદરા શહેર/જિલ્લા દ્વારા વિરોધ કરવામાં આવ્યો હતો. જનતા જ્યારે ગાડી લે છે અને ત્યારે રોડ ટેક્સ તો આપે છે ત્યારબાદ ટોલટેક્સના નામે પણ વારંવાર જનતાના ખિસ્સા કપાય છે અને ટોલટેક્સ લીધા પછી પણ રોડ રસ્તાના કારણે ખૂબ ગંભીર અકસ્માત પણ થાય છે અને આજે પણ કરજણ રોડ પર ખૂબ ખાડા છે જે તદ્દન શરમજનક વાત છે. સાથે જ આમ આદમી પાર્ટી, વડોદરા દ્વારા આગામી સાત દિવસમાં જો આ ટોલટેક્સ પર 24ક્લાક દરમ્યાન એક વખત ટોલટેક્સ નહીં થાય અને ભાવ વધારો પાછો નહિ ખેંચાય તો આદમી પાર્ટી દ્વારા જનતાને સાથે રાખી ગાંધી ચિંધ્યા આંદોલન કરવામાં આવશે તેવી ચિમકી ઉચ્ચારવામાં આવી હતી.આ પ્રસંગે આમ આદમી પાર્ટી, વડોદરા શહેર પ્રમુખ અશોકભાઇ ઓઝા,વડોદરા લોકસભાના પ્રમુખ વિરેનભાઇ રામીની અધ્યક્ષતામાં સૌ કાર્યકર્તાઓ સાથે સૂત્રોચ્ચાર કરી કલેકટરને આવેદનપત્ર આપવામાં આવ્યું હતું
