કાલોલ: કણેટીયા ગામેથી નાકાબંધી દરમ્યાન બોલેરો પીક અપ ગાડીમાંથી ભારતીય બનાવટનો વિદેશી દારૂનો જથ્થો પકડી કાલોલ પોલીસે પ્રોહીબીશનનો ગણનાપાત્ર કેસ શોધી કાઢ્યો છે.
જીલ્લામાં અસામાજિક પ્રોહીબીશનની પ્રવૃત્તિ કરતા ઈસમો ઉપર વોચ તપાસ રાખી જીલ્લામાં પ્રોહીબીશનની પ્રવૃત્તિ નેસ્તનાબુદ કરવા તથા આવા ઇસમો વિરૂધ્ધ કેસો કરવા ઉચ્ચ પોલીસ અધિકારીઓ દ્વારા સુચના અપાઈ હોય જે આધારે કાલોલ પોલીસ સ્ટેશનનાં પોલીસ ઇન્સ્પેકટર આર.ડી.ભરવાડ તથા સર્વેલન્સ સ્ટાફ નાં માણસો સાથે ગણેશચતુર્થીનાં તહેવાર અનુસંધાને પેટ્રોલિંગમાં હતા. તે દરમ્યાન ના.પો. અધિક્ષક વી.જે.રાઠોડને ચોકકસ બાતમી હકિકત મળી હતી કે, “એક સફેદ કલરનાં ટાટા કંપની નાં પીક અપ ફોર વ્હીલ ગાડી નં. GJ-17-UU-3834 માં ભારતીય બનાવટનો પરપ્રાંતીય ઇંગ્લીશ દારૂનો જથ્થો ભરી લઈને ડેરોલગામ તરફથી સણસોલી તરફ જનાર છે“તેવી બાતમી આધારે કાલોલ પોલીસ સ્ટેશનનાં સીનીયર પોલીસ ઇન્સ્પેકટર આર.ડી.ભરવાડ તથા સર્વેલન્સ સ્ટાફના માણસો સાથે નાકાબંધી કરતા પ્રોહિ. મુદ્દામાલ (૧) ભારતીય બનાવટની માઉન્ટ’સ ૬૦૦૦ સુપર સ્ટ્રોંગ બીયર ૫૦૦ મીલીના કુલ ટીન બીયર નંગ-૧૬૮૦/-ની કુલ કિ.રૂ.૩,૦૨,૪૦૦ /- નો પ્રોહી મુદામાલ
(૨) ટાટા કંપની ની પીક અપ રજી.નં. GJ-17-UU-3834 ફોર વ્હીલ ગાડી ની કિ.રૂ.૩,૦૦,૦૦૦/- તથા એક કાળા કલર ની તાડપત્રી ४.३.००/००
કુલ કિ રૂ.૬,૦૨,૪૦૦ /- નો મુદામાલ પકડી પાડી કાલોલ પોલીસ સ્ટેશન પ્રોહી. એકટ કલમ મુજબ ગુન્હો નોંધી
(૧) વિષ્ણુભાઈ અરવિંદભાઈ રાઠોડ ઉ.વ.૨૬ ધંધો ખેતી રહે.ગોવિંદપૂરી જલારામફળિયું તા.હાલોલ જી.પંચમહાલ
(૨) કૌશિકકુમાર ઉર્ફે ગોડો છગનભાઈ સોલંકી ઉ.વ.૩૦ ધંધો મજુરી રહે. ગોવિંદપુરી જલારામમંદિર ફળિયું તા.હાલોલ જી.પંચમહાલ (૩) અરવિંદભાઈ ઉર્ફે પપ્પુ મોહનભાઈ સોલંકી ઉ.વ.૩૮ ધંધો.ખેતી રહે.જેલી તા.કાલોલ જી.પંચમહાલ સામે આગળની કાયદેસરની કાર્યવાહી હાથ ધરી છે.
