કુલ 32 કોરોનાના દર્દીઓમાંથી 6 દર્દીઓ સાજા થતા હાલમાં કોરોનાના એક્ટિવ કેસોની સંખ્યા 26 પર*
*તમામ 26 કેસો હોમ આઇસોલેશન હેઠળ*
(પ્રતિનિધિ) વડોદરા તા.11
શહેરમાં વિતેલા 24 કલાકમાં વધુ 5 કોરોના પોઝિટિવ કેસ સામે આવ્યા હતા. જેની સાથે અત્યાચાર સુધીમાં વડોદરા શહેરમાં કુલ 32 જેટલા પોઝિટિવ કેસ નોંધાયા છે. જેમાંથી 6 દર્દીઓ સાજા થયાં હતાં. જેના કારણે બુધવારે 26 દર્દી હોમ આઇસોલેશન હેઠળ છે.
દેશમાં ફરી એકવાર કોરોનાએ માથું ઉંચકતા દિનપ્રતિદિન કોરોના પોઝિટિવ કેસોમાં વધારો જોવા મળી રહ્યો .છે જેમાં ગુજરાત રાજ્ય બીજા ક્રમે ચાલી રહ્યું છે. ત્યારે વડોદરા શહેરમાં વિતેલા 24 કલાકમાં વધુ 5 કોરોનાના એક્ટિવ કેસો સામે આવતા અત્યાર સુધીમાં કુલ 32 કોરોના પોઝિટિવ કેસો નોંધાયા છે. જેમાંથી 6 દર્દીઓ સારાં થઈ જતાં તેઓને ડિસ્ચાર્જ જાહેર કરતાં હાલમાં શહેરમાં કુલ 26 કોરોના પોઝિટિવ દર્દીઓ છે .જે તમામ હોમ આઇસોલેશન હેઠળ છે. બુધવારે પાંચ નવા કેસોમાં તમામ પુરુષ કોરોના પોઝિટિવ જણાયા છે. જેમાં 19 થી 60 વર્ષની ઉંમરના 1કેસ છે જ્યારે 60 થી વધુ ઉંમરના અન્ય 4 કેસો નોંધાયા છે. આ નવા કેસો મુજમહૂડા, ભાયલી, માંજલપુર, તરસાલી તથા સવાદ વિસ્તારોમાંથી નોધાયા છે. ઝોન મુજબ કોરોના એક્ટિવ કેસોમાં પૂર્વ ઝોનમાથી અત્યાર સુધીમાં કુલ 6 કેસો નોંધાયા છે જ્યારે પશ્ચિમમાંથી 14 કેસો, ઉત્તર માંથી 8 કેસો તથા દક્ષિણમાંથી કુલ 4 કેસો નોંધાયા છે. વડોદરામાં અત્યાર સુધીમાં એક પણ કોરોનાથી મૃત્યુ નથી થયું જે શહેર માટે રાહતના સમાચાર છે.
