Entertainment

સની લિયોની જે સ્થળે ફેશન શોમાં ભાગ લેવાની હતી તે સ્થળ પાસે થયો મોટો વિસ્ફોટ

સની લિયોન (Sunny Leone) મણિપુર (Manipur) રાજ્યના ઈમ્ફાલમાં એક કાર્યક્રમ કરવાની હતી પરંતુ તે પહેલા જ ખરાબ સમાચાર આવ્યા છે. તેમના કાર્યક્રમ સ્થળની નજીક એક મોટો વિસ્ફોટ થયો હતો. સની લિયોન રવિવારે ઇમ્ફાલમાં એક ફેશન શો (Fashion Show) કાર્યક્રમમાં ભાગ લેવાની હતી. તે પહેલા ચીની ગ્રેનેડ જેવા વિસ્ફોટક (Blast) ઉપકરણમાંથી વિસ્ફોટ થયો છે. આ વિસ્ફોટની માહિતી શોના એક અધિકારીએ શેર કરી છે. જોકે વિસ્ફોટમાં કોઈ જાનહાનિના સમાચાર નથી.

અધિકારીએ જણાવ્યું હતું કે ફેશન શો ઇવેન્ટના સ્થળની નજીક એક શક્તિશાળી વિસ્ફોટ થયો હતો. આ શો માં સની લિયોન હાજરી આપવાના હતા. જોકે આ મામલામાં કોઈને ઈજા થઈ હોવાના અહેવાલ નથી. ઈમ્ફાલ ઈસ્ટના એસપી મહારબમ પ્રદીપ સિંહે ANIને જણાવ્યું કે કોઈને ઈજા થઈ હોવાના અહેવાલ નથી. અમને શંકા છે કે તે ચીની ગ્રેનેડ જેવું વિસ્ફોટક ઉપકરણ છે. જોકેહાલ તેની તપાસ થઈ રહી છે.

જણાવી દઈએ કે થોડા દિવસો પહેલા સની લિયોન પણ શૂટિંગ દરમિયાન ઘાયલ થઈ હતી. જેનો વીડિયો ઇન્સ્ટાગ્રામ પર વાયરલ થયો છે. તે શુટિંગના પોશાકમાં બેઠેલી જોવા મળે છે અને તેના પગમાં લોહી વહેતું દેખાઈ રહ્યું છે. જ્યારે તેની ટીમ તેને ઘા પર પટ્ટી બાંધવામાં મદદ કરે છે ત્યારે સની તેઓની મજાકમાં થપ્પટ મારવાની વાત કરી રહી છે. આ પોસ્ટ સનીએ તેના ઈન્સ્ટાગ્રામ પર શેર કરી છે.

અરમાન મલિકે કર્યા ત્રીજા લગ્ન
યુટ્યુબર અરમાન મલિકને ત્યારે ઘણો ટ્રોલ કરવામાં આવ્યો જ્યારે તેણે પોતાની બંને પત્નીઓના પ્રેગ્નન્ટ હોવાના સમાચાર સોશિયલ મીડિયા પર શેર કર્યા. અને હવે તેનો એક નવો વીડિયો સોશિયલ મીડિયા પર સામે આવ્યો છે. જેમાં એવું જોવા મળે છે કે અરમાને બે પત્નીઓ પાયલ મલિક અને કૃતિકા મલિક હોવા છતાં ત્રીજી વખત લગ્ન કર્યા છે. વીડિયોમાં પાયલ અને કૃતિકા અરમાન અને તેની નવી દુલ્હન પર પ્રહાર કરતા જોવા મળે છે.

પત્નીઓએ ચપ્પલ ઉપાડ્યા
જે વીડિયો વાયરલ થઈ રહ્યો છે તેમાં સ્પષ્ટ દેખાઈ રહ્યું છે કે બંને પત્નીઓની પ્રેગ્નન્સી વચ્ચે અરમાને ત્રીજા લગ્ન કર્યા છે. અરમાન મલિકની ત્રીજી પત્નીનું નામ લક્ષ્ય છે. આ વીડિયો અરમાને પોતે પોતાની ચેનલ પર શેર કર્યો છે. હવે આ વીડિયો ઝડપથી વાયરલ થઈ રહ્યો છે. કારણ કે તેમની બંને પત્નીઓએ આ નવા લગ્નને લઈને ભારે હોબાળો મચાવ્યો છે. તસવીરોમાં અરમાન અને તેની ત્રીજી પત્ની ગળામાં હાર પહેરેલા જોઈ શકાય છે. આ બંનેને જોઈને અરમાનની પત્ની પાયલ મલિક ગુસ્સામાં ચપ્પલ ઉપાડી લે છે.

તમને જણાવી દઈએ કે અરમાને વીડિયોની શરૂઆતમાં કહ્યું હતું કે આ એક પ્રૅન્ક વીડિયો છે જે તેણે દર્શકોની માંગ પર બનાવ્યો છે. તેણે જણાવ્યું કે આ વીડિયો બનાવવા માટે તેણે ક્યાં-ક્યાં કેમેરા લગાડ્યા હતા. તે આ વીડિયો પર પત્નીઓની પ્રતિક્રિયા જોઈને ઉત્સાહિત દેખાય છે.

Most Popular

To Top