અત્યારે ટી.વી. રિયાલિટી શોમાં બે ચહેરા ખાસ છે. એક કિરણ ખેર અને બીજો સોનાલી બેન્દ્રે. કિરણ ખેરને બ્લ કેન્સર થયું હતું અને હવે એક રિયાલિટી શોના જજ તરીકે પાછા વળ્યા છે. તો સોનાલી બેન્દ્રેનું પણ એવું જ છે. 2018માં તેને કેન્સર હોવાનું જાહેર થયું પછી સતત ટ્રીટમેન્ટમાં રોકાઇ ગઇ. માથાના વાળ પણ ઉતરી ગયા પણ હવે ફરી એજ તેના સૌંદર્ય, એજ આકર્ષક સ્મિત સાથે પાછી વળી હતી ત્યારે કેન્સર થવાને કારણે શો છોડી ગયેલી ને હવે ચાર વર્ષ પછી ફરી ડાન્સના જ રિયાલિટી શો ‘ડાન્સ ઇન્ડિયા ડાન્સ-લિટલ માસ્ટર્સ’ની પાંચમીસ ીઝનની જજ તરીકે પાછી દેખાય રહી છે. આ એક બહુ જ સુખદ ઘટના કહેવાય. તેના પતિ ઇચ્છતા હતા કે ફરી અગાઉની જેમ જ સોનાલી કામ કરે પણ સોનાલી જોવા માંગતી હતી કે 12 થી 18 કલાકનો સ્ટ્રેસ તે સહન કરી શકે છે કે નહીં? અને હવે તો તેણે પૂરવાર કર્યું છે કે એજ સોનાલી પાછી આવી ગઇ છે. ‘સરફરોશ’, ‘બોમ્બે’, ‘હમ સાથ સાથ હૈ’ જેવી હિન્દી ફિલ્મો ઉપરાંત મરાઠી, તેલુગુ, કન્નડ, તમિલ ફિલ્મોમાં કામ કરી ચુકેલી સોનાલી જેટલા મોટા સકસેસની અધિકારી હતી એટલી સકસેસ નથી મેળવી શકી.
સોનાલી બેન્દ્રેએ ફિલ્મોમાં જેટલું કામ કર્યું તે કોઇ બવંડર ઊભા કયરા વિના કર્યું. જયારે તેને લાગ્યું કે હવે પરણી જવું જોઇએ ત્યારે ગોલ્ડી બહેલને પરણી ગઇ. ગોલ્ડીની એક ફ્રેન્ડ સુન છે જે હવે ઋત્વિક રોશનની ભૂતપૂર્વ પત્ની છે, આ સુન સોનાલીની ખાસ મિત્ર છે. સોનાલી અને ગોલ્ડીના લગ્નને બે દાયકા થવાના અને સરસ રીતે તેમનું લગ્નજીવન ચાલે છે. સોનાલી શાંત મિજાજની છે. કેન્સર વખતે તેને સર્જરી કરવાની હતી ત્યારે સોનાલીની બહેન સોનાલીને ભેટી પડી. જાણે તે પાછી ન વળવાની હોય. સોનાલીએ ત્યારે જ તેને કહેલું કે ‘બહુ નાટક ન જોઇએ, હું પાછી વળીશ.’ અને હકીકતે તે પાછી વળી. તે કહે છે કે દુ:ખથી તમે ભાગી ન શકો પણ હા, તેને ઓછુ કરી શકો.
સોનાલીએ મોડલીંગથી શરૂઆત કરેલી અને પછી સ્ટારડસ્ટ ટેલેન્ટ સર્ચમાં પસંદ થયેલી. નિર્માતા સોહેલ ખાન ‘રામ’ નામની ફિલ્મ બનાવવા માંગતા હતા તે માટે સોનાલી પસંદ કરાયેલી પણ પછી અતુલ અગ્નિહોત્રીની ‘નારાઝ’થી તેણે આગાઝ કરેલો. પણ કેન્સર પછી ફરી તેણે ટી.વી. કમર્શીઅલથી જ આરંભ કરેલો કે મોડલ તરીકે જ ફરી શરૂઆત કરેલી. સોનાલીએ પોતાની કારકિર્દી કોઇ પણ ટકે એ માટે આઇટમ ગર્લ નથી બની. તેલુગુમાં તેણે ચિરંજીવી, રવિ તેજા, નાગાર્જુન વગેરે સાથે કામ કર્યું છે. ‘મુન્નાભાઇ એમ.બી.બી.એસ.’ની તેલુગુ રિમેકમાં તે ચિરંજીવી સામે ડો. સુનિતા બની હતી. ટી.વી.પર તે અનેકવાર જજ તરીકે આવી અને ‘અજીબ દાસ્તાન હૈ યે’ ટી.વી. શ્રેણીમાં ય કામ કર્યું. હવે તે ‘રસના: ધરે ઓફ લાઇટ’માં શ્રુતિ હાસન, નરગીસ ફક્રી, ટિસ્કા ચોપરા સાથે આવી રહી છે. આ ઉપરાંત જૂનિયર એનટીઆર સાથે એક તેલુગુ ફિલ્મમાં કામ કરી રહી છે. મતલબ કે ફરી કામ કરી રહી છે. પણ પહેલાની જેમ જ આક્રમક થયા વગર. •
