નવી દિલ્હી : (New Delhi) લખીમપુરની (Lakhmipur ) ઘટનામાં કેન્દ્રીય મંત્રી અજય મિશ્રા (Ajay mishra) ટેનીના પુત્ર આશિષ મિશ્રા (Aashish mishra) સહિત 13 આરોપીઓની મુશ્કેલીઓ વધી ગઈ છે. SITએ અકસ્માતની (Accident) કલમો હટાવી દીધી છે. તેની જગ્યાએ હત્યાનો પ્રયાસ (Attempt to murder ) અને હથિયારોના દુરુપયોગની કલમો લગાડવામાં આવી છે. આરોપીઓ વિરુદ્ધ સંગીન કલમો હેઠળ ગુન દાખલ કરવા કોર્ટમાં અરજી કરાઈ હતી. જેના આધારે તમામ આરોપીઓને આજે કોર્ટમાં સમન્સ પાઠવવામાં આવ્યા છે. ખાસ વાત એ છે કે SITએ સ્વીકાર્યું છે કે આ ગુનો કોઈ બેદરકારીનું પરિણામ નથી, પરંતુ હત્યાના ઈરાદાથી કાવતરું ઘડીને આચરવામાં આવેલો ગુનો છે.
આસિસ્ટન્ટ પ્રોસિક્યુશન ઓફિસર પ્રદીપ કુમારે જણાવ્યું હતું કે ટિકુનિયા કેસના તપાસકર્તા વિદ્યારામ દિવાકર દ્વારા આરોપીઓના રિમાન્ડ પરની કલમો વધારવા માટે અરજી કરવામાં આવી છે. તપાસનીસ દિવાકરે તપાસ દરમિયાન અગાઉ નોંધાયેલી કેટલીક કલમો દૂર કરવા અને કેસમાં નવી કલમો વધારવા રિમાન્ડની માંગણી કરી છે. તપાસકર્તા વતી, મુખ્ય આરોપી મંત્રી પુત્ર આશિષ મિશ્રા સહિત તમામ 13 આરોપીઓ હત્યા, કલમ 307 વિદ્રોહ સાથે ખૂની હુમલો, 326 ગંભીર ઈજા પહોંચાડવા અને કલમ 34 સામાન્ય ઈરાદામાં સામેલ છે.
આ ઉપરાંત આર્મ્સ એક્ટની કલમ 3/25, 30 વધારવા માટે પણ અરજી આપવામાં આવી છે. અકસ્માત સંબંધિત કલમ 279, 338 અને 304 (A) પણ હટાવી દેવામાં આવી છે. તપાસકર્તાએ કબૂલ્યું છે કે આ ઘટના બેદરકારીથી નહીં, પરંતુ કાવતરાથી થઈ છે. આસિસ્ટન્ટ પ્રોસિક્યુશન ઓફિસર પ્રદીપ કુમારે જણાવ્યું કે કોર્ટે તમામ આરોપીઓને મંગળવારે જેલમાંથી બોલાવ્યા છે.
તમને જણાવી દઈએ કે, તિકુનિયામાં 3 ઓક્ટોબરે રમખાણોમાં ચાર ખેડૂતો સહિત 5 લોકો માર્યા ગયા હતા. આ કેસમાં ગૃહ રાજ્યમંત્રી અજય મિશ્રા ટેનીના પુત્ર આશિષ સહિત 13 આરોપીઓ જેલમાં છે. આશિષના જામીન પર હાઈકોર્ટમાં સુનાવણી ચાલી રહી છે. SITએ હાઈકોર્ટમાં જવાબ દાખલ કરવા માટે સમય માંગ્યો હતો. પરંતુ હવે સ્થિતિ બદલાઈ ગઈ છે. આશિષ મિશ્રા સહિત 13 આરોપીઓની મુશ્કેલી વધી ગઈ છે.
