સીએમ રૂપાણીએ શક્તિવંદના અભિયાનનો આરંભ કરાવ્યો

ગાંધીનગર : આજથી પ્રારંભ થઇ રહેલા શક્તિ ઉપાસના પર્વ શારદીય નવરાત્રિ (Navratri) ની દેશ-દુનિયામાં વસતા સૌ ગુજરાતીઓને અને રાજ્યના નાગરિકોને શુભકામનાઓ પાઠવીને મુખ્યમંત્રી વિજય રૂપાણી (Chief Minister Vijay Rupani) એ શક્તિ વંદના અભિયાન (Shakti Vandana Abhiyan) શરૂ કર્યુ છે. રૂપાણીએ સોશિયલ મીડિયા (Social media) પ્લેટફોર્મ ફેસબૂક લાઈવનાના માધ્યમથી નવરાત્રિ પર્વના પૂર્વ દિને સૌને શુભેચ્છા પાઠવી જણાવ્યું કે, મા અંબાની આરાધનાનું પર્વ નવરાત્રિ (Navratri, the festival of adoration of Maa Amba) ખાસ કરીને ગુજરાતમાં વિશેષ મહત્ત્વ ધરાવતું પર્વ છે. ધાર્મિક મહાત્મ્ય સાથે સાંસ્કૃતિક મહત્ત્વ પણ આ પર્વમાં સમાયેલું છે. હાલ આખું વિશ્વ કોરોના સામે લડાઈ લડી રહ્યું છે. આપણે પણ આ જ લડાઈ લડી રહ્યા છીએ. માટે પરિસ્થિતિની ગંભીરતાને ઘ્યાનમાં રાખીને આ વખતે સરકારે દુઃખી હૃદયે નવરાત્રિના આયોજનોની તેમજ ગરબાની મંજૂરી આપી નથી.

સીએમ રૂપાણીએ શક્તિવંદના અભિયાનનો આરંભ કરાવ્યો

આ શક્તિવંદના અભિયાન (Shaktivandana’s campaign) અંતર્ગત તેઓ તારીખ 19, 21 અને 23 ઓકટોબરે અલગ અલગ ક્ષેત્ર સાથે જોડાયેલી 9 જેટલી નારીશક્તિ સાથે સંવાદ કરીને તેમની જીવન યાત્રા અને કાર્યોથી પરિચિત થશે અને તેમની વંદના કરશે. ખરેખર આ વખતે કોરોના વાયરસ (Corona Virus) નાં લીધે દેશની પરિસ્થિતિ જૂદી છે તથા વાયરસનાં કારણે દેશવાસીઓને પોતાના જીવનધોરણમાં ફેરફારો કર્યા છે તથા કરવા પર મજબૂર થયા છે. તહેવારોનો માહોલ તો શરૂ થયો પરંતુ જે રીતે દર વર્ષે તમામ તહેવારોની ઉજવણી કરતા હતા તે હવે થશે નહીં. તેમ છતા નવરાત્રિના પર્વની ખૂબ જ રાહ જોવાઈ રહી હતી. સરકારે સુરક્ષાને ધ્યાનમાં રાખીને આ વખતે નવરાત્રિ પર રોક લગાવી છે કારણ કે જીવનાં જોખમે ગરબા મોંઘા પડી શકે છે.

સીએમ રૂપાણીએ શક્તિવંદના અભિયાનનો આરંભ કરાવ્યો

સીએમ વિજય રૂપાણીએ આગળ જણાવ્યુ હતુ કે, જ્યાં સુધી કોરોનાની વેક્સિન બજારમાં નહીં આવે ત્યાર સુધી નાગરિકોને પોતાની સુરક્ષા પોતે જ રાખવી પડશે. માસ્ક, સેનેટાઈઝર, હેન્ડવોશિંગ તથા સોશિયલ ડિસ્ટેન્સિંગ જાળવવું એ પોતાની તથા પોતાના પરિવાર પ્રત્યે એક સાવચેતી ભર્યા પગલા છે તેથી આ નિયમોને ધ્યાનમાં રાખવા અપિલ કરી હતી. તેઓ તારીખ 19, 21 અને 23 ઓકટોબરે અલગ અલગ ક્ષેત્ર સાથે જોડાયેલી 9 જેટલી નારીશક્તિ સાથે સંવાદ કરીને તેમની જીવન યાત્રા અને કાર્યોથી પરિચિત થશે. વધુમાં રૂપાણીએ નારી શક્તિનાં યોગદાનને પ્રોત્સાહિત કરીને તેમનાં 9 દિવસ દરમિયાન શક્તિવંદના સાથે સોશિયલ મીડિયા પર અપલોડ કરવા માટે સૂચનો કર્યા હતાં.

Related Posts