જો તમે દેશની સેવા કરવા માંગતા હો, તો તમારી પાસે એક સારી તક છે. ભારતીય સેનાએ અનેક જગ્યાઓ પર ભરતી માટે સૂચના બહાર પાડી છે. ભારતીય સેનાએ ટેકનિકલ ગ્રેજ્યુએટ કોર્સ (TGC 142) – જાન્યુઆરી 2026 માટે અરજીઓ મંગાવી છે. ઉમેદવારો 30 એપ્રિલ 2025 થી આ ભરતી માટે ઓનલાઈન અરજી કરી શકે છે. અરજી કરવાની છેલ્લી તારીખ 29 મે 2025 બપોરે 3:00 વાગ્યા સુધી છે. આ ભરતીમાં અરજી કરવા માટે ઉમેદવારોએ ભારતીય સેનાની વેબસાઇટ joinindianarmy.nic.in પર જઈને ઓનલાઈન ફોર્મ ભરવાનું રહેશે.
ટેકનિકલ ગ્રેજ્યુએટ કોર્સ (TGC-142) 2026 માટે અરજી શરૂ
અરજી કરવા માટે ઉમેદવારો અપરિણીત પુરુષ હોવા જોઈએ અને તેમની પાસે BE/B.Tech ડિગ્રી હોવી જોઈએ અથવા તેઓ એન્જિનિયરિંગના અંતિમ વર્ષના વિદ્યાર્થી હોવા જોઈએ. વય મર્યાદા 20 થી 27 વર્ષ (2 જાન્યુઆરી 1999 થી 1 જાન્યુઆરી 2006 ની વચ્ચે જન્મેલા) ની વચ્ચે રાખવામાં આવી છે.
આ ભરતીમાં સીધો SSB ઇન્ટરવ્યુ હશે અને કોઈ લેખિત પરીક્ષા નહીં હોય. સફળ ઉમેદવારોને ભારતીય લશ્કરી એકેડેમી, દહેરાદૂનમાં તાલીમ આપવામાં આવશે અને પછીથી કાયમી કમિશન મળશે. આ તક એવા એન્જિનિયરિંગ સ્નાતકો માટે છે જેઓ ભારતીય સેનાનો ભાગ બનીને ગર્વથી દેશની સેવા કરવા માંગે છે.
ટ્રેનિંગ દહેરાદૂનમાં આપવામાં આવશે
TGT-142 દ્વારા ભારતીય સેનામાં પસંદગી થવા પર ઉમેદવારોને વિવિધ મુખ્ય કોર્પ્સમાં કમિશન મળશે. આમાં કોર્પ્સ ઓફ એન્જિનિયર્સ, સિગ્નલ કોર્પ્સ અને ઇલેક્ટ્રોનિક્સ અને મિકેનિકલ એન્જિનિયર્સ જેવી પ્રતિષ્ઠિત શાખાઓનો સમાવેશ થાય છે. પસંદ કરાયેલા ઉમેદવારોએ ભારતીય સેનાના પ્રશિક્ષિત અધિકારી તરીકે IMA દેહરાદૂન ખાતે 12 મહિનાની તાલીમ લેવી પડશે. તેમને લેફ્ટનન્ટના રેન્કમાં કાયમી કમિશન મળશે, જેનાથી તેમને ભારતીય સેનામાં કાયમી અધિકારી તરીકે સેવા આપવાની તક મળશે.
આટલો પગાર મળશે
પગાર અને ભથ્થાંની વાત કરીએ તો IMA દેહરાદૂન ખાતે તાલીમ દરમિયાન તેમને માસિક રૂ. 56400 નું સ્ટાઇપેન્ડ મળશે, જે તેમના જીવનનિર્વાહમાં મદદ કરશે. તાલીમ પૂર્ણ કર્યા પછી અને કમિશનિંગ પછી લેફ્ટનન્ટ તરીકે તેમનો વાર્ષિક પગાર લગભગ 17-18 લાખ રૂપિયા હોઈ શકે છે.
આ ઉપરાંત તેમને મફત તબીબી કવર, વતન મુલાકાત પર મફત મુસાફરી સુવિધા, CSD કેન્ટીન લાભો અને રહેવાની સુવિધા જેવી વિવિધ આકર્ષક સુવિધાઓ પણ પૂરી પાડવામાં આવશે. આ બધા ભથ્થાં અને સુવિધાઓ લશ્કરી અધિકારીને તેના કાર્યકાળ દરમિયાન સંપૂર્ણ સક્ષમ અને સંતુષ્ટ રાખવા માટે આપવામાં આવે છે.
