ગર્ભાવસ્થા અને કોરોના : શું ધ્યાન રાખીશું?

લો..ફરી દેશ ખૂલી ગયો…( કેટલાંક ક્ષેત્રોને છોડીને) ફરી સૌ કામે લાગી ગયાં. આ ગાળામાં મેં મારા હોસ્પિટલ(Hospital) રાઉન્ડ દરમ્યાન એક સરસ હકારાત્મક (કહી જ શકાય) એવું પરિવર્તન જોયું. ખૂબ બધા ગર્ભાવસ્થાના કેસ. ઘણી બધી સ્ત્રીઓની પ્રેગનન્સી(Pregnancy) ટેસ્ટ પોઝિટિવ આવવામાં સફળ રહી છે. ઘણાં બધાં સંતાન વાંચ્છુક દંપતી(Couple)ઓ છેલ્લા બે મહિનામાં પરિણામ મેળવવામાં સફળ રહ્યાં. એનું કારણ કદાચ કોરોનાની કૃપાથી મળેલો ક્વોલિટી ફેમિલી(Family) ટાઈમ, ઘરનો શુદ્ધ ખોરાક, સ્ટ્રેસ વગરની દિનચર્યા હોઈ જ શકે. આ સૌ દંપતીઓને ખૂબ ખૂબ શુભકામનાઓ. આવો અહીં સમજીએ કે ગર્ભાવસ્થાના પ્રથમ ત્રણ માસ દરમ્યાન આ કોરોના કાળમાં શું ધ્યાન આપીશું? પ્રથમ ત્રણ માસ દરમ્યાન બાળક(Baby)ના હૃદય, મગજ, ફેફસાં, કિડની જેવાં આંતરિક અંગોનો વિકાસ થાય છે. આથી આ સમય દરમ્યાન ખોરાક ખૂબ સ્વાસ્થ્યપ્રદ હોય તે આવશ્યક બને છે. શરૂઆતના તબક્કા દરમ્યાન ગર્ભાવસ્થાના હોર્મોન્સ(Harmons)ને કારણે ભૂખ ઓછી લાગવી, ઊલ્ટી ઉબકા આવવા, અમુક ચોક્કસ ખોરાક માટે અણગમો થવો એ ખૂબ સ્વાભાવિક છે .

ગર્ભાવસ્થા અને કોરોના : શું ધ્યાન રાખીશું?

સૌથી મોટી સમસ્યા ગર્ભાવસ્થાના પ્રથમ તબક્કાની છે. ‘મોર્નિંગ સિકનેસ’ સવારે ઊઠતાં વેંત ઊલ્ટી થવી, ચક્કર આવવા , ઊબકા આવવા વગેરે. અહીં એના માટે સવારે ઊઠતાંની સાથે મુઠ્ઠીભર ડ્રાયફ્રૂટ ખાઈ લેવા. બદામ, અખરોટ, ખજૂર, અંજીર, કાળી દ્રાક્ષ- આ સૌ ભેગા કરી સવારના પહોરમાં મુઠ્ઠીભર ખાવાથી થોડી એનર્જીનો સંચાર થાય છે જે ઉપર મુજબનાં લક્ષણોને દબાવી રોગપ્રતિકારકશક્તિ વધારે છે.વિટામિન સી ધરાવતાં ખાટાંમીઠાં ફળો અને લીંબુનું રોજિંદુ સેવન વાઇરસના ઇન્ફેક્શન સામે રોગપ્રતિકારકશક્તિ વધારવા માટે અનિવાર્ય છે. એથી પ્રેગનન્સીમાં “આ ખવાય અને આ ન ખવાય’’ એનો વિચાર કરવાને બદલે છૂટથી ફળોનું સેવન કરવું.

ગર્ભાવસ્થા અને કોરોના : શું ધ્યાન રાખીશું?

આથી, શરૂઆતના ત્રણ મહિના દરમ્યાન ખૂબ બધો ખોરાક ન ખવાય, વજન બે કિલો સુધી ઊતરી પણ જાય તો ચિંતા કરવી નહીં પરંતુ રેસ્ટોરાંનો ન હોય તેનું ચોક્કસ ધ્યાન રાખવું. બહારથી આવતાં ખોરાક અને ખાદ્યપદાર્થો દ્વારા કોરોનાના સંક્રમણનો મહત્તમ ભય રહેલો છે. શક્ય એટલી ભાવતી વાનગીઓ ઘરે જ બનાવીને ખાવી. રેસ્ટોરાં ભલે ઊઘડી હોય. બહાર ખાવાની લાલચને ગર્ભાવસ્થાના આ પ્રથમ તબક્કા દરમ્યાન ‘લોક ડાઉન’ માં જ રાખવી જરૂરી છે.

ગર્ભાવસ્થા અને કોરોના : શું ધ્યાન રાખીશું?

બીજી મુખ્ય વાત છે વાસી ખોરાકની. વાસી ખોરાક પાચનતંત્રને બગાડી શકે અને જેના કારણે રોગપ્રતિકારકશક્તિ ઓછી થાય. જેથી વાઇરસના સંક્રમણ સામે લડવાની ક્ષમતામાં ઘટાડો થાય. એથી ઘરે બનેલ તાજો ખોરાક લેવાનો જ આગ્રહ રાખો.કોરોનાનો ભય સતત મનમાં ન રાખો. ગર્ભાવસ્થાના પ્રથમ તબક્કામાં બાળકના મગજ અને હૃદયનો વિકાસ થતો હોય, આપની હકારાત્મક માનસિકતા અને પ્રસન્નતા ખૂબ મોટો ભાગ ભજવે છે. ખોરાક ન ખવાય તો એનું પણ ટેન્શન ન લો. વજન ઊતરે તો એની ચિંતા ન કરો. ચોથા મહિનાથી ધીરે ધીરે બધું વ્યવસ્થિત થઈ જશે. થોડું મેડીટેશન(Meditation) ચોક્કસ મદદરૂપ થશે.કારણ વગર ઘરની બહાર ન નીકળો તો સારું. શક્ય એટલાં ઓછાં લોકોને મળો.તો બિલકુલ ચિંતા છોડીને કોરોનાદેવીની કૃપાથી ફળેલ ગર્ભાવસ્થાને સંપૂર્ણપણે એન્જોય કરો.-નિરજા પારેખ

-આ લેખમાં પ્રગટ થયેલાં વિચારો લેખકનાં પોતાના છે.

Related Posts