મુંબઈ: (Mumbai) ‘પઠાણ’ ફિલ્મ (Pathan Film) સાથે ધમાકેદાર કમબેક (Comeback) કરનાર બોલિવૂડ સુપરસ્ટાર શાહરૂખ ખાનની ફિલ્મ પઠાણ હવે બોલિવૂડની સૌથી વધુ કમાણી કરનાર બનવાની આરે છે. શાહરૂખે ફિલ્મ ‘પઠાણ’માં ચાહકોના મનપસંદ સીનમાં સલમાન ખાન (Salman Khan) સાથેની તેની દોસ્તીથી દર્શકોને મંત્રમુગ્ધ કરી દીધા હતા. અને હવે શાહરૂખ ખાન (Shahrukh Khan) સલમાનની ‘ટાઈગર 3’માં જોવા મળશે. આ માટે તેણે એક્શન સિક્વન્સ શૂટ કરવા માટે સાત દિવસ રિઝર્વ રાખ્યા છે.
ફરીથી સુપરસ્ટાર્સના એક્શન સીનનો આનંદ માણશે દર્શક
હિન્દી સિનેમાના બે સૌથી મોટા સુપરસ્ટાર જ્યારે પણ એકસાથે આવે છે ત્યારે તેઓ સ્ક્રીન પર ધૂમ મચાવે છે. આ વખતે પણ લોકોને ‘પઠાણ’માં સલમાનનો કેમિયો જોઈને મજા પડી ગઈ હતી. તે જ સમયે SRKની ‘પઠાણ’ પછી હવે આ ડબલ ધમાલ ફરીથી સલમાનની ‘ટાઈગર’ ફિલ્મમાં જોવા મળશે. YRF સ્પાઈ-યુનિવર્સમાં આ બીજી ફિલ્મ હશે જ્યારે બે મોટા સ્ટાર્સ એકબીજાની ફિલ્મમાં કેમિયો કરશે.
શાહરૂખ એપ્રિલમાં શૂટિંગ કરશે
સમાચાર મુજબ “શાહરૂખ ખાન એપ્રિલના અંતમાં મુંબઈમાં ‘ટાઈગર 3’ માટે સાત દિવસનું શૂટિંગ કરશે. અહેવાલ છે કે આ સિકવન્સ શૂટ કરવા માટે સાત દિવસ નક્કી કરવામાં આવ્યા છે. એટલે કે દર્શકો માટે આ સીનને ખૂબ જ મજેદાર બનાવવાનું મોટું આયોજન કરવામાં આવ્યું છે. ‘પઠાણ’માં લોકોએ જે જોયું તે પછી અપેક્ષાઓ ખૂબ જ વધી ગઈ છે અને નિર્માતાઓ પણ તેના માટે ખૂબ જ ઉત્સાહિત છે. તેથી એવું માની લેવું જોઈએ કે યશ રાજ ફિલ્મ્સ અને મનીષ શર્મા ‘પઠાણ’ અને ‘ટાઈગર’ વચ્ચેના આ સીનને ભારતીય સિનેમામાં સૌથી વધુ યાદગાર બનાવવા માટે કોઈ કસર છોડશે નહીં!
‘ટાઈગર 3’ દિવાળી પર રિલીઝ થશે
‘ટાઈગર 3’માં સલમાન ખાન ‘ટાઈગર’ અને કેટરીના કૈફ ‘ઝોયા’ તરીકે જોવા મળશે. આ ફિલ્મ આ દિવાળીએ રિલીઝ થવાની તૈયારીમાં છે. ‘ટાઈગર 3’માં શાહરૂખ ખાન અને સલમાન પાસેથી અપેક્ષા છે કે તેઓ પોતાની જોડીથી રૂપેરી પરદા પર ધૂમ મચાવી દેશે. YRF સ્પાય યુનિવર્સ દરેક મૂવીના થિયેટ્રિકલ અનુભવને એવા મનોરંજક સ્તર પર લઈ જવાનું છે કે જ્યાં પર્દા પર ધૂમ મચશે. ત્રણેય સુપર જાસૂસોની ડિઝાઈન અલગ-અલગ રીતે કરવામાં આવી છે. જ્યારે પણ આ સુપર જાસૂસો એકબીજાની ફિલ્મોમાં આવશે ત્યારે ધમાલ મચી જશે.
