નવી દિલ્હી: બોલિવુડ (Bollywood) સહિત સમગ્ર દેશ ઓસ્કાર એવોર્ડની જીતની (Oscar RRR win) ખુશી મનાવી રહ્યો છે. ત્યારે આ અઠવાડિયે ‘ધ કપિલ શર્મા શો’માં (The Kapil Sharma Show) અજય દેવગણની (Ajay Devgan) એન્ટ્રી થવા જઈ રહી છે. કપિલ શર્માના આગામી એપિસોડમાં ‘ભોલા’ની (Bhola) સ્ટારકાસ્ટ ફિલ્મના પ્રમોશન માટે આવી રહી છે. શોનો પ્રોમો રિલીઝ થઈ ગયો છે. પ્રોમોમાં અજય દેવગન, કપિલ શર્મા (kapil Sharma) અને તબ્બુ (Tabu) પોતાની ફની વાતોથી દર્શકોને હસાવતા જોવા મળ્યા હતા. આ સિવાય અજય દેવગણે RRRને ઓસ્કાર મળવાનું કારણ પણ જણાવ્યું.
અજય દેવગણ સાથે કપિલની મસ્તી
પહેલા પ્રોમોમાં કપિલ શર્મા ‘ભોલા’ સ્ટારકાસ્ટનું સ્વાગત કરતો જોવા મળ્યો હતો. આરઆરઆરની ઓસ્કાર જીતથી વાતચીત શરૂ થઈ. કપિલ અજય દેવગનને કહે છે, ‘RRR ના નાટુ નાટુ ગીતને ઓસ્કાર મળ્યો છે, ખૂબ ખૂબ અભિનંદન. તમે પણ એ ફિલ્મનો હિસ્સો છો. કપિલની વાતનો જવાબ આપતા અજય દેવગન કહે છે, ‘RRRને જે ઓસ્કાર મળ્યો છે તે મારા કારણે છે.’ ભોલા એક્ટરની આ વાત સાંભળીને કપિલ શર્મા આશ્ચર્યચકિત થઈ ગયો અને પૂછે છે કે કેવી રીતે? આ પછી અજય કહે છે, ‘કલ્પના કરો કે જો હું એ ગીતમાં ડાન્સ કર્યો હોત તો શું થયું હોત.’ સુપરસ્ટારના જવાબથી બધા હસી પડ્યા.
અજય દેવગન માટે સૌથી મુશ્કેલ સ્ટંટ
બીજા પ્રોમોમાં કપિલ શર્મા કહે છે, ‘જુઓ અજય સર એ કેટલા સ્ટંટ કર્યા છે. ક્યારેક તેઓ બાઇક પર તો ક્યારેક ઘોડા પર તો ક્યારેક વહાણ પર આવી રહ્યા છે. આ ફિલ્મમાં તે એક ટ્રક પર આવી રહ્યો છે. તેણે અજય દેવગનને આગળ પૂછ્યું કે તેના માટે અત્યાર સુધીનો સૌથી મુશ્કેલ સ્ટંટ કયો રહ્યો છે?
કપિલની વાતનો જવાબ આપતાં અજય દેવગન કહે છે, ‘જ્યારે હું સ્ટંટ કરું છું ત્યારે મારું જડબું ખૂબ દુખે છે.’ કપિલ પૂછે છે કયું જડબં? તો અજય કહે છે કે જ્યારે તારા જોકસ પર હસવું પડે… અજય દેવગનનો જવાબ સાંભળીને કપિલ શર્મા પોતાનું હાસ્ય રોકવાની ઘણી કોશિશ કરે છે, પરંતુ નિષ્ફળ જાય છે. આ પછી આખો સેટ હાસ્યથી ગુંજી ઉઠે છે. અજય દેવગનની ફિલ્મ ‘ભોલા’ 30 માર્ચે સિનેમાઘરોમાં રિલીઝ થઈ રહી છે. ‘ભોલા’ સાઉથની ફિલ્મ ‘કૈથી’ની ઓફિશિયલ રિમેક છે. ફિલ્મમાં અજય દેવગનની સાથે તબ્બુ, દીપક ડોબરિયાલ અને ગજરાજ રાવ સહિતના ઘણા મોટા સ્ટાર્સ મહત્વની ભૂમિકામાં જોવા મળશે.
