નવી દિલ્હી : મોહનલાલની (Mohanlal) ફિલ્મ ‘દ્રશ્યમેં’ (Drishyam) દીવાનગીની બધી હદો પાર કરી દીધી છે. ફિલ્મનો જાદુ દર્શકોના માથે ચઢીને ડોલે છે. મલયાલમ અને તેલુગુ ભાષા બાદ હિન્દી વર્ઝનના રીમેકમાં (Remake) અજય દેવગણના (Ajay Devgan) અભિનયમાં બનેલા બન્ને ભાગોએ દર્શકોના દિલોને જીત્યા છે. સસ્પેન્સ (Suspense) અને થ્રીલરથી ભરપૂર આ ફિલ્મના ડાયલોગો પણ લોકોના મોઢે ચઢી ગયા છે. આ ફિલ્મની દીવાનગી હવે એટલી વધી ગઈ છે કે તે હવે દુનિયાના અનેક દેશોમાં વિવિધ ભાષાઓમાં બનવા માટે જઈ રહી છે. આ વાત ભારતીય સિનેમાંના દર્શકો માટે ખુશીના સમાચાર લઇ ને આવી રહી છે. ફિલ્મ કોરિયન, જાપાનીઝ અને હોલીવુડની ફિલ્મો પણ ટૂંક સમયમાં આવી શકે તેવી સંભાવનાઓ વ્યક્ત કરાઈ રહી છે.
‘દ્રશ્યમ’ મલયાલમ ઈન્ડસ્ટ્રીમાં એક મોટી હિટ ફિલ્મ છે
‘દ્રશ્યમ’ ફિલ્મમાં જ્યોર્જકુટ્ટીની મુખ્ય ભૂમિકામાં મોહનલાલ અભિનીત આ મલયાલમ ફિલ્મને હોલીવુડ સહિત અનેક બિન-ભારતીય રીમેક બનવા માટે જઈ રહી છે. ‘દ્રશ્યમ’ મલયાલમ ઈન્ડસ્ટ્રીમાં એક મોટી હિટ ફિલ્મ છે અને તેની સફળતા પછી અત્યાર સુધીમાં બે બોલીવુડ રીમેક આવી છે. ફ્રેન્ચાઇઝીના તમામ ભાગો બોક્સ ઓફિસ પર જોવા જઈએ તો મની-સ્પિનર રહ્યા છે ખાસ કરીને હિન્દીમાં ‘દ્રશ્યમ 2’, જેણે ગયા વર્ષે ભારતીય બોક્સ ઓફિસ ઉપર રૂપિયાનો વરસાદ કર્યો હતો ફિલ્મે. 250 કરોડની રૂપિયાની કમાણી કરી હતી.
ફિલ્મ કોરિયન, જાપાનીઝ અને હોલીવુડમાં પણ ટૂંક સમયમાં આવી શકે છે.
પેનોરમા સ્ટુડિયો ઈન્ટરનેશનલ લિમિટેડે તેના એક નિવેદનમાં જણાવ્યું હતું કે, “દ્રશ્યમ 2 (હિન્દીમાં)ની શાનદાર સફળતા પછી પેનોરમા સ્ટુડિયો ઈન્ટરનેશનલ લિમિટેડને એ જાહેરાત કરતાં ખુશી વ્યક્ત થાય છે કે તેણે મલયાલમ ભાષાની ફિલ્મો ‘દ્રશ્યમ’ અને ‘દ્રશ્યમ 2’ સાઈન કરી છે. ભારતીય ભાષાઓ એટલે કે ફિલિપિનો, સિંહાલી અને ઇન્ડોનેશિયન સિવાય અંગ્રેજી સહિતની તમામ વિદેશી ભાષાઓ. ફિલ્મ માટે બહુવિધ ભાષાના અધિકારો ઉમેરીને અમે ‘દ્રશ્યમ 2’ના ચાઇનીઝ ભાષાના રિમેક રાઇટ્સ પણ મેળવી લીધા છે. હવે અમે ફિલ્મના નિર્માણ માટે વાતચીત કરી રહ્યા છીએ. ફિલ્મ. કોરિયન, જાપાનીઝ અને હોલીવુડની ફિલ્મો પણ ટૂંક સમયમાં આવી શકે છે.”
પહેલી ફિલ્મ વર્ષ 2013માં આવી હતી
‘દ્રશ્યમ’ પહેલીવાર મલયાલમ ભાષામાં 2013માં રિલીઝ થઈ હતી. ફિલ્મ ફ્રેન્ચાઇઝી જીતુ જોસેફ દ્વારા લખવામાં અને નિર્દેશિત કરવામાં આવી છે અને તેમાં મોહનલાલ મુખ્ય ભૂમિકામાં છે. આ ફિલ્મ જ્યોર્જકુટ્ટી અને તેના ખુશ પરિવારની વાર્તા વર્ણવે છે. આખું પરિવાર શાંતિથી જીવી રહ્યું હોઈ છે ત્યારે પરિસ્થિતિ વધુ ખરાબ થઈ જાય છે જ્યારે તેની પુત્રી અજાણતા ગુનો કરે છે અને તે તેના પરિવારના મુખ્યા એટલે કે એક પિતા ગુનાના રહસ્યને સુરક્ષિત કરવા માટે બહાર નીકળે છે. ‘દ્રશ્યમ’ હિન્દી, તમિલ અને તેલુગુ ભાષાઓમાં પણ રીમેક કરવામાં આવી છે. અજય દેવગણ, કમલા હસન અને વેંકટેશ ફિલ્મની ભારતીય રિમેકની હેડલાઇનના પાત્રો મુખ્ય ભૂમિકા ફિલ્મમાં ભજવે છે.
