અફઘાનિસ્તાન (Afghanistan)ની રાજધાની કાબુલના એરપોર્ટ (Kabul airport) નજીક ગુરુવારે સિરિયલ બ્લાસ્ટ (serial blast) થયા હતા. બે વિસ્ફોટોમાં ઓછામાં ઓછા 13 લોકોના મોત (death) થયા હોવાના અહેવાલ છે.
તે જ સમયે, અન્ય ઘણા લોકો ઘાયલ થયા છે. પ્રથમ વિસ્ફોટ એરપોર્ટના અબે ગેટ પર થયો હતો. આ પછી, બીજો વિસ્ફોટ એરપોર્ટ નજીક બરૂન હોટલ પાસે થયો, જ્યાં બ્રિટિશ સૈનિકો રોકાયા હતા. પહેલા વિસ્ફોટ બાદ ફ્રાન્સે (France) બીજા વિસ્ફોટ અંગે એલર્ટ જારી કર્યું હતું, ત્યારબાદ ફરી વિસ્ફોટ થયો. કાબુલ એરપોર્ટ અને તેની આસપાસના વિસ્તારોમાં બ્લાસ્ટના કારણે ગભરાટનું વાતાવરણ છે. આ સિવાય ત્રણ અમેરિકન સૈનિકો સહિત 38 લોકો ઘાયલ થયા હોવાના પણ અહેવાલ છે. આ હુમલા પાછળ આતંકી સંગઠન ISIS નો હાથ હોવાનું બહાર આવ્યું છે.
જણાવી દઈએ કે અમેરિકા (America), ઓસ્ટ્રેલિયા અને બ્રિટને કાબુલ એરપોર્ટ પર આતંકી હુમલા (Terrorist attack)ની શક્યતા વ્યક્ત કરી હતી. તેમજ તેના નાગરિકોને કાબુલ એરપોર્ટથી દૂર રહેવાની ચેતવણી આપી હતી. અમેરિકન અધિકારીઓએ જણાવ્યું કે કાબુલ એરપોર્ટના એબી ગેટની બહાર એક આત્મઘાતી બોમ્બરે (Bomber) આ ઘટનાને અંજામ આપ્યો છે. કહેવામાં આવી રહ્યું છે કે હુમલાખોર ફાયરિંગ કરતા કરતા આવ્યો અને તેણે પોતાને જ બોમ્બથી ઉડાવી દીધો. મળતી માહિતી મુજબ, એરપોર્ટના આ ગેટ પર ઓસ્ટ્રેલિયન સૈનિકો તૈનાત છે.
એરપોર્ટ પર જશો નહીં: યુએસ એમ્બેસી
અમેરિકી દૂતાવાસે કાબુલમાં થયેલા શ્રેણીબદ્ધ વિસ્ફોટો અંગે એલર્ટ જારી કર્યું છે. દૂતાવાસે લોકોને એરપોર્ટ તરફ ન જવા કહ્યું છે. એડવાઈઝરી જાહેર કરતી વખતે દૂતાવાસે કહ્યું કે લોકોએ કાબુલ એરપોર્ટની નજીક જવાનું ટાળવું જોઈએ.
કાબુલ એરપોર્ટ પર બીજો બ્લાસ્ટ
અફઘાનિસ્તાનના કાબુલમાં સિરિયલ બ્લાસ્ટ થયા છે. એરપોર્ટ નજીક પહેલા બ્લાસ્ટના થોડા સમય બાદ ફરી એકવાર બીજો વિસ્ફોટ થયો છે. અલ જઝીરાના જણાવ્યા અનુસાર, વિસ્ફોટમાં અત્યાર સુધીમાં 13 લોકોએ જીવ ગુમાવ્યા છે.
કાબુલ એરપોર્ટ ગેટ પર વિસ્ફોટ
અફઘાનિસ્તાનના કાબુલ એરપોર્ટના ગેટ પર પહેલા વિસ્ફોટના સમાચાર છે. અને તેની આસપાસના વિસ્તારોમાં બ્લાસ્ટના કારણે ગભરાટનું વાતાવરણ છે.
ઇટાલિયન જેટ પર પણ ફાયરિંગ કરવામાં આવ્યું હતું,
જે જણાવે છે કે જ્યારે કેટલાક આત્મઘાતી હુમલા પહેલા કાબુલ એરપોર્ટ પરથી ઉડવા માટે ઇટાલીના વિમાનમાં ફાયરિંગ કરવામાં આવ્યું હતું. વિમાનમાં 100 અફઘાન શરણાર્થીઓ હતા.
