વીત્યા વર્ષને ભૂલી જાઓ, નવા વર્ષનાં જન્માક્ષરમાં છે ધન પ્રાપ્તિના યોગ

સંવત વર્ષ ૨૦૦૬ નો મોટો ભાગ તો કોરોના વાઇરસ અને Covid-19 ની વૈશ્વિક મહામારીને કારણે વ્યકિતગત, સામાજિક, આર્થિક એમ બધી રીતે નબળો અને દુઃખ દાયી રહયો અર્થ ઉપાર્જન્ય માટે ઘણા લોકોએ ઘણી મુસીબતો અનુભવી હવે વર્ષ ૨૦૦૭ ના નૂતન વર્ષનો આરંભ થઈ રહયો છે. ત્યારે માત્ર નૂતન વર્ષ જ નહી પણ આગામી જીવન આર્થિક રીતે કેવું રહેશે તે જાણવાની ઉત્સુકતા દરેકને હોય એ સ્વાભાવિક છે. જન્માક્ષરમાં ગ્રહો થકી નીચે દર્શાવેલ યોગ

રચાતા હોય તો તે ધન/મિલકતોની પ્રાપ્તિવૃદ્ધિની પ્રબળ શક્યતાઓ સૂચવે છે.
૧. કુંડળીમાં ચંદ્રથી ચોથે, સાતમે યા દસમા સ્થાનમાં ગુરુ હોય તો ગજકેસરીયોગ થાય છે. જે માણસને પૈસા અને પ્રતિષ્ઠા બંને અપાવે છે. તેમાં પણ જો કુંડળીમાં ચંદ્ર લાભસ્થાનમાં હોય અને ગુરુ ધન સ્થાનમાં હોય તો તેવી વ્યક્તિ કરોડપતિ બની શકે. ૨. કુંડળીમાં બીજા સ્થાનનો માલિક ગ્રહ જો ૧૨ માં સ્થાનમા હોય તો તેવો જાતક વેપાર-ધંધામાંથી ઘણું ધન અને સંપત્તિ મેળવી શકે છે. ૩. કુંડળીમાં લાભસ્થાન માલિક સાથે સૂર્યની યુતિ કે દૃષ્ટિ-સબંધ હોય કે લાભસ્થાનમાં સૂર્ય બિરાજમાન હોય તો જાતક ને સોનાથી લાભ થાય છે. અને લાભસ્થાનમાં માલિક સાથે મંગળની યુતિ/સંબંધ હોય તો જમીન મિલકતથી લાભ થઈ શકે છે. ૪. જો લાભસ્થાનનો સ્વામી ધનસ્થાનમાં અને ધનસ્થાનનો સ્વામી ગ્રહ લાભસ્થાનમાં હોય તો અઢળક ધન પ્રાપ્ત થાય.

૫. લાભસ્થાનમાં ચંદ્ર-ગુરૂની યુતિ અવિરત ધનસુખનું સૂચન કરે છે. ૬. ચંદ્ર- મંગળ- લક્ષ્મીયોગ- ચંદ્ર-મંગળની યુતિ સંબંધથી ચંદ્ર મંગળનો લક્ષ્મી યોગ બને છે. મંગળની દૃષ્ટિ ચંદ્ર પર એક પક્ષીય પડતી હોય તોય ઘણા લક્ષ્મીયોગ ગણે છે. આ યોગ પૈસો આપે છે. ૭. અધિ યોગ જન્મ લગ્નથી ચંદ્રથી ૬,૭,૮ મે શુભ ગ્રહો રહેલા હોય તો યોગ થાય છે. સુખી સંપત્તિવાળું વૈભવી જીવન મેળવે છે. ૮. ભાગ્યેશ ઉપર ગુરૂની દૃષ્ટિ હોવી, અગર ભાગ્યેશની સાથે ગુરૂ હોવો તે ભાગ્યશાળી સ્ત્રી-પુરૂષનું લક્ષણ છે. ભાગ્યસ્થાનમાં ગુરુ હોવો તે પણ ભાગ્યસૂચક છે. તેવી વ્યકિત સારું ધન પ્રાપ્ત કરે. ૯. જો ચંદ્ર વૃષભ-કર્ક-ધન-મીન રાશિમાં હોય અને કુંડળીમાં ૨-૮-૧૦-૧૧ માં ભાવમાં હોય. ૧૦. ગુરુ કર્ક-ધન-મીન રાશિમાં હોય અને જન્મકુંડળીમાં કેન્દ્રમાં અર્થાત ૧-૪-૭-૧૦ માં સ્થાનમાં હોય. ૧૧. ગુરુ-મિથુન રાશિમાં હોય અને બુધ ધન રાશિમાં હોય તો આવો યોગ શેરબજારમાં તવંગર બનાવે ૧૨. લાભ સ્થાનમાં માલિક થઇને ચંદ્ર જો કુંડળીમાં ૮ મા સ્થાન પર હોય તો તે આકસ્મિક ધન લાભ સૂચચે છે.

જન્માક્ષરમાં ઉપર દર્શાવેલ યોગ હોય તો તે ધનલાભ અને સ્થાવર-જંગમ મિલકતો હાંસલ કરવાની શક્યતાઓ સૂચવે છે. વધુમાં, પોતાના ઘરના પૂજા ઘરમાં શ્રી મહાલક્ષ્મી માતાની મૂર્તિ યા છબી પ્રસ્થાપિત કરીને રોજે-રોજ તેનું યથાશકિત દ્રવ્ય/ઉપચાર વડે પૂજન કરીને નીચે દર્શાવેલ મંત્રનો યથાશકિત * જપ (ઓછામાં ઓછી એક માળા) કરવાથી પણ શ્રી મહાલક્ષ્મી માતાની કૃપા પ્રાપ્ત થાય છે. શ્રી હ્રીં શ્રીં કમલે કમલાલયે પ્રસીદ પ્રસીદ શ્રીં હ્રીં શ્રી ઓમ મહાલચ્ચે નમઃ ||

Related Posts